[retour à un affichage normal]

Accueil > recherche > Affichage d'une occurrence en contexte

Mazarinade n° B_15_32

Image de la page

Anonyme [1652], DE LA NATVRE ET QVALITÉ DV PARLEMENT DE PARIS, ET Qu’il ne peut estre interdit ny transferé hors de la Capitale du Royaume, pour quelque cause ny pretexte que ce soit. , françaisRéférence RIM : M0_857. Cote locale : B_15_32.


Conseils de la France, & qui neantmoins y peut tout & y
fait tout, encore qu’il en soit reconnu le Tyran & le destructeur
abominable.
 
Et pour comble d’iniustice & de desordre, on donne le
nom de Parlement de Pontoise à trois Presidens, & dix ou
douze Conseillers que l’on a chassez de Paris à cause qu’ils y
trahissoient le Roy pour soustenir le Mazarin ; & on inter dit
deux cens Senateurs incorruptibles & inuiolables, qui maintiennent
& qui conseruent l’authorité Royale, & qui ne
peuuent souffrir qu’on renuerse l’Estat, qu’on mette le
Royaume en proye ny qu’on abuse plus long-temps du nom,
de la personne, & de l’authorité de sa Majesté. Ces faux freres,
& ces Ministres infideles n’ont qu’vn jeune Roy enleué
& mal-heureusement trompé, & ceux qui conseruent le
Temple de la Iustice, la Capitale du Royaume, & le Throsne
de sa Majesté, ont la Royauté toute entiere, & le lieu &
le caractere de son authorité legitime ; l’vn est immortel, &
l’autre ne l’est point ; on abuse vn enfant de quatorze ans qui
n’entendit iamais de verité, & on ne peut surprendre vne
sagesse ancienne, & des Loix qui n’ont point erré depuis
treize cens ans. Vn grand Aduocat general du Parlement
de Paris, rendant au Roy Henry IV. les graces qu’il deuoit,
dit en la page 34. de son Remerciement, Que c’est ce Royaume
de qui l’Estat n’a iamais changé, & de qui les Loix fondamentales
sont encore en vigueur & en honneur, comme elles estoient dés sa naissance ;
on en veut dire de mesme aujourd’huy.
Nous n’ignorons point que pendant que les Anglois se
rendirent maistres de Paris depuis le 29. May 1417. iusques
au 13. Avril 1436. le Dauphin de France qui fut apres Charles
VII. s’estant declaré Regent du Royaume pour la maladie
de Charles VI. son pere, establit vn Parlement pendant
ce temps-là à Poictiers, composé des Presidens & Conseillers
qui s’estoient retirez de Paris, lequel y fut remis le 1.
Decembre 1436. & reüny à ceux qui y estoient restez, apres
neantmoins que ceux-cy eurent renouuellé le serment de
fidelité au Roy ; dequoy ne peuuent pas se dispenser ceux