[retour à un affichage normal]

Accueil > recherche > Affichage d'une occurrence en contexte

Mazarinade n° B_15_32

Image de la page

Anonyme [1652], DE LA NATVRE ET QVALITÉ DV PARLEMENT DE PARIS, ET Qu’il ne peut estre interdit ny transferé hors de la Capitale du Royaume, pour quelque cause ny pretexte que ce soit. , françaisRéférence RIM : M0_857. Cote locale : B_15_32.


reuoquons, & annulons tous les Arrests donnez depuis nostre Declaration
du 6. Ianuier 1649. par les gens se disans tenir nostre Cour de
Parlement de Paris, comme donnez par attentat & entreprise ouuerte
sur nostre authorité, & par gens qui n’ont aucun pouuoir, &c.
Enioignons ausdits gens se disans nos Officiers du Parlement de sortir
de nostre Ville de Paris dans huictaine à compter de la datte des presentes,
leur faisant tres-expresses inhibitions & deffences de faire aucunes
assemblées, tenir aucune Cour, ny Iurisdiction ; Et à faute d’obeir
à nos commandemens, & de cesser les entreprises & attentats
qu’ils ont commencé ; Nous auons de nostre mesme science, puissance,
& authorité, adioustant aux peines portées par nostre precedente Declaration,
esteint & supprimé, esteignons & supprimons tous les Offices
dont se trouuent à present pourueus les Officiers de ladite Cour,
leur faisant deffence d’en faire aucune fonction, & à tous nos autres
Officiers & suiets de les reconnoistre pour Iuges à peine de desobeissance :
Donné à Saint Germain en Laye, le 23. Ianuier 1649.
 
On void assez par le stile de ces Patentes la passion & l’aueuglement
des Ministres, & par l’effet & l’euenement qui
les suiuit, que toutes ces violences ne sont que des coups
d’vne passion desreglée, & des jeux de femmes & d’enfans,
qui causent neantmoins beaucoup de honte à leurs Autheurs,
beaucoup de troubles dans l’Estat, & beaucoup de
prejudice à l’authorité du Roy qui ne doit iamais se compromettre,
ny se prostituer ; Puis qu’a la fin de toutes ces Tragedies
sanglantes & funestes, le Parlement tout condamné &
tout interdit qu’il est demeure le Maistre, fait voir la iustice
de son procedé, fait confirmer ses Arrests, & supprimer ceux
de ces mauuais Politiques, qui sans doute se rendent ridicules
en publiant tant de Pancartes estonnantes & fulminantes,
sans seulement faire peur aux Clercs, ny aux Procureurs
de la Cour ; Ce que cette Compagnie sage & prudente fit
bien paroistre en continuant de rendre la Iustice, & trauaillant
à la conseruation & reformation de l’Estat, sans auoir
aucun esgard à cette interdiction pretenduë & ridicule.
Qu’ainsi ne soit, le 17. Fevrier 1649. Messieurs les Gens du
Roy ayans receu vn passe-port de saint Germain en Laye