[retour à un affichage normal]

Mazarinade n° B_15_32

Image de la page

Anonyme [1652], DE LA NATVRE ET QVALITÉ DV PARLEMENT DE PARIS, ET Qu’il ne peut estre interdit ny transferé hors de la Capitale du Royaume, pour quelque cause ny pretexte que ce soit. , françaisRéférence RIM : M0_857. Cote locale : B_15_32.

exposer tous leurs biens & leurs fortunes aux dangers des
chemins, & faire des vagabonds de tant de bons Citoyens
qui sont vnis & attachez à leurs femmes & à leurs enfans sans
trouble & sans inquietude.
 
Choppin dans son traitté du Domaine de la Couronne de
France, liu. 2. tit. 15. num. 6. parlant de la nature de Paris,
dit, Que Philippe IV. surnommé le Bel, donna & assigna le Palais
Royal pour le consacrer à la Deesse Themis, & pour y exercer PERPETVELLEMENT
la Souueraine Iustice, & rendre son Parlement
de France FIXE, ARRESTÉ, & SEDENTAIRE, qui
auoit esté auparauant ambulatoire ;
Induxitque forum patribus dans iura vocatis,
Iuraque ab hac terra cetera terra petet.
Comme dit Ouide en ses Fastes, liu. I. predisant la grandeur
de la Ville de Rome, & sa majesté par dessus toutes les
autres de l’Empire, par la stabilité de son Senat, & le Throsne
immuable de ses Souuerains.
De plus les Offices de ces grands Senateurs François estans
perpetuels, & vendus par le Roy mesme, il faut qu’il les en
fasse jouïr en la façon qu’ils les ont trouuez, & suiuant les
conditions de leur establissement ; Quand Silla estant Preteur
à Rome, dit à Cesar qu’il vseroit à l’encontre de luy de
l’authorité & du pouuoir que son Office luy donnoit : Cesar
sans se formaliser en façon que ce soit, respondit qu’il auoit
raison de l’appeller sien, puis qu’il l’auoit achepté. La priuation
des Charges ne se fait en France, que par vacation, par
mort, ou pour crime & forfaiture prouuée & iugée ; il en est
de mesme pour la destitution, & ce à cause de la venalité
permise des Offices.
Loiseau en son traitté des Offices, liu. 1. chap. 14. num. 21.
dit ; Que les interdictions estoient tolerables quand les Charges
estoient données gratuitement ; mais maintenant que le Roy les
vend si cherement, il seroit Iuge & partie en les priuant sans
connoissance de cause pour les reuendre à d’autres. Pour interdire
des Officiers il faut qu’ils soient criminels & Iugez