[retour à un affichage normal]

Mazarinade n° A_8_66

Image de la page

Mirand,? de [1649], LA ROBBE SANGLANTE DE IVLES MAZARIN. Ou les veritables recits des fourbes, des impostures & autres vices. Par le sieur de MIRAND, Gentilhomme Cicilien. , françaisRéférence RIM : M0_3554. Cote locale : A_8_66.

reuiendra en France de la mesme façon qu’il en
estoit party, & le Cardinal Mazarin retournera à Rome,
chargé des despoüilles de toute la France, comme
s’il venoit de la conquerir, & de la rendre vne Prouince
Romaine :
 
Que s’il est veritable que Charles le Grand, apres
auoir remis les Papes dans leurs Throsne & aneanty la
Monarchie de Lombars, voulant faire obseruer en
Guyenne le loix Romaines, comme celles qui luy sembloient
les plus justes, en fut empesché par vn Gascon
qui luy respondit hautement, qu’il n’estoit pas honneste
ny raisonnable que les vainqueurs receussent la
Loy du vaincu, souffrirez-vous qu’on vienne alterer
l’ingenuité & la franchise des Gaulois, la candeur &
la pureté des François par des fourberies Italiennes &
par des subtilitez Romaines, le Roy Loüis 13. de tresglorieuse
memoire ne vous a-t’il pas tracé le chemin,
car comme le feu Cardinal de Richelieu luy eut nommé
Particely pour Sur-intendant des Finances : le
vous prie mon Cousin, luy respondit ce sage Monarque,
ne me parlez pas des Italiens, & neantmoins comme
s’il n’y auoit pas en France des testes capables de
remplir vn bonet rouge, nous allons querir des Estrangers
pour leur donner ce que nous deurions tascher
d’obtenir pour nous mesmes, ce qui me fait craindre
raisonablement, que lors que sa Majesté demandera
quelque Chapeau pour vn François, qu’on n’allegue
la prescription qu’on a alleguée pour raison de la tyare,
c’est que le Sainct Esprit ne puisse non plus parler
François en la personne d’vn Cardinal qu’en celle