[retour à un affichage normal]

Mazarinade n° B_15_7

Image de la page

Louis (XIV), De Guénégaud, Radigues [signé] [1652], DECLARATION DV ROY, PORTANT TRANSLATION DV PARLEMENT de Paris en la Ville de Pontoyse. AVEC L’ARREST D’ENREGISTREMENT d’icelle. , françaisRéférence RIM : M0_942. Cote locale : B_15_7.

mois de Iuillet en execution de cét Arrest ou de tous
les quartiers, on auoit deputé vn nombre trois ou quatre
cens personnes de plus notables & sages Habitans pouruoiroit
à tous les desordres precedents & remedieroit à
ceux qui pourroient naistre à l’auenir, mais l’issuë à nôtre
grand regret fist bien voir le contraire & fust aussi
funeste qu’on l’auoit attenduë fauorable, les chefs de la
Rebellion se voyans à la veille de perdre tont leur credit
en vn instant par le restablissement de l’authorité legitime
& par les ordres qui alloient estre resolus dans l’assemblée
pour la seureté publique & particulierement
pour celle de la Iustice, crurent qu’il estoit temps de
ioüer de leur reste pour destourner ce coup fatal à leurs
desseins & qui alloit destruire l’effet de toutes leurs pratiques
precedentes, reconnoissans fort bien qui leur
estoit impossible d’auancer les affaires des Espagnols
dans la France, comme ils l’auoit promis par des Traittez
secrets ny de jetter les fondemens d’vne reuolte durable
sans auoir mis auparauant la Capitale du Royaume
dans la seruitude, ils font inuestir le lieu de l’assemblée
par vn nombre de gens de la populace armez ausquels
ils auoient donné par auance, beaucoup plus largement
qu’a l’ordinaire la recompense de leur crime, ils
leur font saisir toutes les auenuës de la place de Greue
pour empescher le secours que les autres Habitans interressez
en la deffence de ceux qui estoient assamblez
pour leur bien dans l’Hostel de Ville pourroient y enuoyer,
l’on dispose dans les maisons voisines & sur les
degrez de la Croix de la Greue des mousquetaires choisis
dans leur Regimens iusques à quinze cens pour tirer
dans la salle de l’assemblée, toutes choses ainsi preparées
pour vne attaque reguliere les Chefs sortent de l’assemblée