[retour à un affichage normal]

Accueil > recherche > Affichage d'une occurrence en contexte

Mazarinade n° E_1_49

Image de la page

Louis (XIV), De Guénégaud [signé] [1649], DECLARATION DV ROY, par laquelle les Princes, Ducs, Seigneurs & leurs adhérans qui ont pris les armes contre son seruice, sont declarez criminels de Léze-Majesté, s’ils ne se rendent pres de sa personne dans trois iours apres la publication d’icelle. , françaisRéférence RIM : M0_919. Cote locale : E_1_49.


DECLARATION DV ROY,
par laquelle les Princes, Ducs, Seigneurs & leurs
adhérans qui ont pris les armes contre son seruice,
sont declarez criminels de Léze-Majesté, s’ils ne
se rendent pres de sa personne dans trois iours
apres la publication d’icelle.

LOVIS par la grace de Dieu Roy
de France & de Nauarre, A tous
ceux qui ces presentes Lettres verront,
Salut. Nous ne sçaurions
penser qu’auec vne extreme indignation
au procedé iniurieux à
nostre auctorité, que les Officiers
se disant tenir nostre Cour de Parlement
à Paris, ont exercée contre nous, Nous croyions
qu’ils deussent rendre le respect & l’obeyssance qu’ils
sont obligez, à nos volontez ; mais au contraire ils ont
traicté auec tant de mépris, la Declaration que nous leur
auons enuoyée par les Gens de nostre Parquet, que iusques
icy ils n’en ont pas seulement fait l’ouuerture ; Et nostre
Procureur general, & nos Aduocats generaux, ne nous
ont donné aucun aduis de l’execution du commandement
qu’ils auoyent receu de nous : Nous ne laissons pas
neantmoins d’estre bien informez de leur desobeyssance
qui est assez publique, & qui nous fait iuger de leurs