[retour à un affichage normal]

Mazarinade n° E_1_49

Image de la page

Louis (XIV), De Guénégaud [signé] [1649], DECLARATION DV ROY, par laquelle les Princes, Ducs, Seigneurs & leurs adhérans qui ont pris les armes contre son seruice, sont declarez criminels de Léze-Majesté, s’ils ne se rendent pres de sa personne dans trois iours apres la publication d’icelle. , françaisRéférence RIM : M0_919. Cote locale : E_1_49.

du jour & datte des presentes, ils ne se rendent pres de
nous, pour y rendre le service & la fidelité qu’ils nous doivent :
Faisant cependant tres-expresses inhibitions & deffences
à tous nos Officiers, Maires & Eschevins de nos
villes, & à nos autres sujets de les reconnoistre, ny d’obeyr
à leurs ordres à peine de desobeyssance, & a estre declarez
comme nous les déclarons en ce cas criminels de
Léze Majesté. SI DONNONS EN MANDEMENT
A tous nos Officiers & sujets d’obeyr à la presente Declaration,
& de tenir la main à ce qu’elle soit executée de
poinct en poinct selon sa forme & teneur. CAR tel est
nostre plaisir. En tesmoin dequoy nous auons fait mettre
nostre seel à ces presentes, que nous auons fait lire & publier
en nostre Conseil, la Reyne Regente nostre tres honorée
Dame & Mere presente : Où estoyent aussi nostre
tres-cher, & tres-amé Oncle le Duc d’Orleans, nostre
tres-cher, & tres-amé Cousin le Prince de Condé, & autres
Princes, Ducs, Pairs, Officiers de nostre Couronne,
& plusieurs grands Seigneurs estans pres de nous.
DONNÉ à S. Germain en Laye, le 23. jour de Ianvier l an
de grace 1649. Et de nostre regne le sixiéme. Signé LOVIS :
Et plus bas, Par le Roy, la Reyne Regente sa Mere present,
DE GVENEGAVD : Et seellé sur double
queuë de cire jaulne.
 
Collationné à l’original par moy Conseiller Secretaire
du Roy & de ses Finances.