[retour à un affichage normal]

Accueil > recherche > Affichage d'une occurrence en contexte

Mazarinade n° B_15_6

Image de la page

Anonyme [1652], CREATION DE DIX CONSEILLERS NOVVEAVX AV PARLEMENT du Mazarin seant à Pontoise ; Et des dix Asnes Rouges qui se trouuerent à l’Ouuerture d’iceluy, le Mercredy 7. Aoust 1652. , françaisRéférence RIM : M0_841. Cote locale : B_15_6.


le 7. du present mois d’Aoust, où ils entrerent seuls
en Robbes Rouges, y furent reçeus sans examen, y
prirent les premiers places, & opinerent en mesme
temps brayans fortement comme les anciens de cette
Grange d’où ces derniers venus pretendoient les chasser ;
& sçachans bien que ces Officiers égarez estoient
sans sacs, mais non sans cordes, & qu’ils entreprenoient
des choses qu’ils auroient bien de la peine de plastrer &
de déguiser, ils en porterent chacun trois sur leurs dos,
& les offrirent au premier President pour s’en décharger,
& les redistribuer à qui bon luy sembleroit. Aprés beaucoup
d’étonnement, il en retient douze pour luy, afin de
pouuoir fournir aux emplastres dont il a besoin pour
couurir & cacher deuant le Roy, la Reyne, les Princes du
Sang, le Parlement, & le Mazarin, ce qu’il a fait pour les
tromper, estant tantost pour, & tantost contre.
 
Le President Potier de Nouuion, dit qu’il n’en vouloit
que deux, l’vn pour plastrer ce qu’il dit en opinant le 20.
Aoust, 1648. toutes les Chambres Assemblées en bonne
forme, sçauoir que le Cardinal Mazarin méchant &
ignorant Politique, estoit la cause de tous nos maux, &
de tous nos desordres, pour n’auoir auprés de luy que
des scelerats sans foy, sans Dieu, & sans Religion, comme
des Bautru, des Nogent, des Senneterre, & autres
ausquels il faudroit faire le procez, & qui de notorieté
publique meritoient la corde ; l’autre pour barboüiller
le marché qu’il a fait auec le Mazarin touchant l’Euêché
de Beauuais.
Le President le Coigneux en prist vn pour assurer le
Mazarin qu’il en vouloit couurir & effacer tour ce que
defunct son pere auoit fait contre luy en seruant les
Princes & le Roy.
Le sieur Baradas Euesque de Noyon, declara qu’il
vouloit bien deuenir d’Euesqué Musnier, pourueu qu’il
pût prendre d’vn sac double mouture.
Le Marêchal de l’Hospital dit qu’il auoit plus besoin