[retour à un affichage normal]

Mazarinade n° B_10_25

Image de la page

L. G. [signé] [1652], CONGRATVLATION TRES-HVMBLE A MONSEIGNEVR L’EMINENTISSIME CARDINAL DE RETZ, ARCHEVESQVE DE CORINTHE, & Coadjuteur en l’Archeuesché de Paris. SVR SA PROMOTION AV Cardinalat. , françaisRéférence RIM : M0_755. Cote locale : B_10_25.

actions plustot qu’à vne esleuation casuëlle,
il faut aduoüer que lors que la iustice & la valeur
s’accordent a donner, & receuoir les preeminences
supresmes, tous les cœurs équitables, & iudicieux
doiuent benir le Seigneur, & remercier
sa bonté, de ceste distribution des Graces, C’est
aussi, MONSEIGNEVR, ce que nous faisons
auec ferueur, & zele, a ceste tres heureuse
& Triomphante Promotion de vostre Eminence,
puis quelle nous promet des prosperitez, & benedictions
abondantes. Et comme vous estes
le premier nommé sur le reste des Nations, &
que toutes les vertus, les sciences, les pietés &
la Politesse se rencontrent auec vn ordre magnifiqne,
en vostre Tres-Illustre personne, nous
pouuons esperer delà le bon-heur de nos jours,
la Paix de la France, & l’aduantage de la Monarchie ;
Et i’ose dire que iamais la pourpre ne fut
plus esclatante qu’elle nous paroist. Il est vray
MONSEIGNEVR, que les Decrets de sa
Saincteté, apres nos venerations ont attiré nos
acclamations, & nos vœux, si zelés en recognoissance
de ces legitimes faueurs, qu’il est
aisé de faire voir par nos transports la passion
extréme que nous auons pour vostre seruice.
 
MONSEIGNEVR, ceste qualité Eminente
de Cardinal, & Prince de l’Eglise, est d’vne
si haûte estime, & consideration parmy les Chrestiens
Catholiques, que nul ne se doit deffendre