[retour à un affichage normal]

Mazarinade n° C_5_59

Image de la page

I. A. D. [1649], IMPORTANTES VERITEZ POVR LES PARLEMENS. PROTECTEVRS DE L’ESTAT. CONSERVATEVRS DES LOIX. ET PERES DV PEVPLE. Tirées des anciennes Ordonnances, & des loix fondamentales du Royaume. DEDIEE AV ROY. Par I. A. D. , français, latinRéférence RIM : M0_1686. Cote locale : C_5_59.

d’Athenes, pour ne rafraischir iamais la memoire
des calamitez publiques. Cesar dit en ses Commentaires,
que les diuisions entre les Gaulois furent la
principale cause de ses Conquestes, & luy donnerent
le moyen de vaincre vne nation, laquelle bien vnie
estoit inuincible. Vn autre Prince interrogé par Scipion,
pourquoy Numance, si forte & si puissante,
auoit esté ruinée ; ne fist autre response, sinon qu’elle
s’estoit diuisée. Donc s’il est vray pour finir par la
premiere maxime de nostre Estat, que les Monarchies
ne subsistent principalement que par l’establissement
d’vne autre Verité aussi importante, que cette
vnité ne peut estre entretenuë & conseruée que par
la Iustice. C’est ce qui a fait dire à ce diuin Philosophe
au second de sa Republique, que lors que tous
les Subjets d’vn Estat sont vnis entr’eux, c’est vne
marque que la Iustice les maintient & les gouuerne :
D’où il poursuit en vn autre endroit, que l’vn des
preceptes escrits au Temple de Delphe, estoit qu’on
deuoit honorer & auoir vn singulier respect pour
tous les Magistrats. Et l’vn des plus sçauans Historiens
Grecs Denis d’Halicarnasse, parlant des premiers
mouuemens qui s’esleuerent dans la Republique
Romaine, ne les attribuë qu’au mespris qu’elle
commençoit de faire de ses Legislateurs. Raison fondée
non seulement dans les maximes de la Politique
humaine & profane, mais qui se trouue establie dans
l’Escriture au 4. des Iuges, lors que cette sage Dame
fut appellée au gouuernement du Peuple de Dieu,