[retour à un affichage normal]

Accueil > recherche > Affichage d'une occurrence en contexte

Mazarinade n° C_5_59

Image de la page

I. A. D. [1649], IMPORTANTES VERITEZ POVR LES PARLEMENS. PROTECTEVRS DE L’ESTAT. CONSERVATEVRS DES LOIX. ET PERES DV PEVPLE. Tirées des anciennes Ordonnances, & des loix fondamentales du Royaume. DEDIEE AV ROY. Par I. A. D. , français, latinRéférence RIM : M0_1686. Cote locale : C_5_59.


en la personne du Roy François I. qui prit son
Parlement pour arbitre, lors que s’agissant de sa propre
liberté, il ne fist autre response à Charle Quint,
sinon, que les loys fondamentales de son Royaume, estoient de
ne rien entreprendre sans le consentement de ses Cours Souueraines,
entre les mains desquelles residoit toute son authorité.
 
L’Estranger mesme s’est tenu honoré de le prendre
pour tiers dans les differends les plus notables ;
l’Empereur Frederic II. du nom, Roy de l’vne & l’autre
Sicile, se sousmit à son iugement, sur les pretentions
qu’il auoit à cause de son Empire & de son
Royaume contre le Pape Innocent IV. & bien que le
Roy de France eust ambrassé ouuertement son party,
& fait publier diuers Arrests & iugemens en faueur
du Pape, si est-ce que l’Empereur ne fit aucune
difficulté d’en passer par l’aduis du Parlement, tant la
reputation s’estoit espanduë parmy les peuples de
son integrité.
La cause du Comte de Namur fust iugée en la mesme
Cour, entre Iean Comte de Namur, & Charles
Comte de Valois, frere de Philippe le Bel, & du Roy
Philippe de Valois, & l’Arrest fut rendu contre Charles
de Valois en l’année 1320.
Le Duc de Lorraine & Guy de Chastillon se rapporterent
au Parlement pour regler les bornes & les
separations de leurs terres & Seigneuries, en 342. Et en
390. le Dauphin de Viennois & le Comte de Sauoye
se soumirent au Parlement sur le differend de l’hommage
du Marquisat de Saluce, lequel par Arrest fust
adiugé au Dauphin, & depuis par vn autre Arrest le