[retour à un affichage normal]

Accueil > recherche > Affichage d'une occurrence en contexte

Mazarinade n° B_8_35

Image de la page

Guise, Henri II de [?] [1652], LA DECLARATION DE MONSEIGNEVR LE DVC DE GVISE, FAICTE A BORDEAVX LE Troisiéme du mois courant, sur la ionction de ses interests, auec ceux de Messieurs les Princes. Auec toutes les Particularitez de sa sortie. , françaisRéférence RIM : M0_885. Cote locale : B_8_35.


ce noble mouuement predomine hautement parmy
tous ceux de mon esprit ; mais principalement depuis
qu’estant allé prendre congé de sa Maiesté Catholique
dans l’Escurial, ie me suis veu exhorté mesme par
la bouche d’vn Roy d’Espagne, d’aller contribuer genereusement
à la vengeance des interests de toute l’Europe, par la
perte du Cardinal Mazarin, lequel ne deuant pas estre moins
qu’il a esté cy deuant le seul obstacle de la paix generalle que
tous les Plenipotentiaires auoient concluë dans Munster, doit
par consequent vnanimement estre choqué par tous les genereux ;
que pour luy, il me protestoit à foy de Monarque quoy
qu’à present ennemy de la France, que ses intentions, en fournissant
ses troupes, n’estoient autres, que de contribuer à la
perte, de ce malheureux perturbateur public, apres laquelle,
quelque occasion qu’il eut de se preualoir de nos desordres, il
estoit tout prest de signer vne paix, telle qu’elle auoit esté cy-deuant
concluë. Ces paroles Royales suiuies des acclamations
generalles de toutes les villes d’Espagne, qui
me souhaittoiẽt en passãt vne heureuse victoire sur cét
ennemy de la paix, m’ont tellement appris à me desinteresser
dans le dessein de le pousser à bout, que ie
ne suis plus en estat d’entendre à aucun accommodement,
à moins qu’on n’y propose pour le premier
article que le C. Mazarin & tous ses adherans
seront à iamais chassez du gouuernement de cette
Monarchie.
 
Qui pourra s’estonner maintenant de la passion
auec laquelle ie pretends espouser les interests de
Monsieur le Prince, puis qu’il n’en a point d’autres