[retour à un affichage normal]

Accueil > recherche > Affichage d'une occurrence en contexte

Mazarinade n° C_12_38

Image de la page

Duval, Jean [?] [1652], LE PARLEMENT BVRLESQVE DE PONTHOISE, CONTENANT LES NOMS de tous les Presidens & Conseillers Renegats qui composent ledit Parlement. Ensemble les Harangues burlesques faites par le pretendu premier President. , françaisRéférence RIM : M0_2701. Cote locale : C_12_38.



Il depesche vers Nouion,
Qui desia plus droit qu’vn pion,
Auoit dedans sa garderobbe
Pris & sa soutanne & sa robbe,
Coigneux homme d’iniquité
Estoit desia tout aiusté ;
Ce grand Garde des Sçeaux leur mande
Qu’il veut estre de cette bande,
Que Messieurs il presidera
Et mesme les haranguera.
 
 
Ils sortent vont à la cohüe,
Aucuns les sifflent par la rüe,
Les autres les montrent au doigt,
Et pourtant ils passent tout droit.
Arriuez, ils prennent sceance
Dans cette Chambre d’importance
Là ne fut point parlé de Dieu,
N’y Messe ditte dans ce lieu,
Fort meschante tapisserie
Y cachoit cette gueuserie.
Et iamais Iuges Mazarins
Ne se trouuerent si contrains.
 
 
Des Apostats voicy la liste,
Et du Greffier qui les assiste.
Molé leur Premier President
Aux fourbes fort accommodant,
Ame double & plus que rusée,
Ame par tout caurerisée.
NOVION petit renegat
Qui iadis frondoit net & plat
Auiourd’huy de la sainte Fronde
L’Apostat, (que Dieu le confonde.)
COIGNEVX ce petit arrogant,
Des foux le plus extrauagant,
Qui son cours a fait l’Escole
De la Durier, où l’on bricolle,
Et pour euiter pauureté,
A la GALLAND il s’est frotté.
MAINAR DEAV cocu volontaire,
Du Parlement le vitupere
Petit bout d’homme au front d’airain
Autant maudit que Mazarin,
Cét homme de sacq & de corde,
De qui l’ame a son corps s’accorde
Car si son corps est contrefait
Le dedans est encor plus laid.
 
 
PERROT President aux Enquestes
Plus beste que ne sont les bestes
A commis cette lascheté
Pour n’auoir eu la Preuosté
Et depuis qu’il a mis sa fille
En malletostiere famille
A qui rien donner il n’a peu
C’est ainsi qu’il s’est corrompu.
HAVT LE NEZ en est, c’est vn homme Bragelonne.
Qu’auarice par tout renomme,
Il fut comme le precedent
Dans les Enquestes President.
 
 
LE FEBVRE sauué du naufrage
Quand à la ville on fit rauage,
Et que, crainte d’estre esgorgé,
De son corps il vous a purgé
Ce Preuost de la Marchandise
A peine sauua sa valise,
Aussi trahir son bien-faicteur
C’est grande lascheté de cœur.
 
 
THIBEVF race de Commissaire
Fort Sçauant quand il faut mal faire,
Pour subsister dans ce party
A de Iustes esté party.
 
 
TAMBONNE AV ce bouru genie
A fait aussi la felonie,
Et ce n’est qu’à cause qu’il est
Des plus auant dedans le prest.
MANDAT ce grand vilain collosse.
Qui ne fut iamais qu’vne rosse,
Gendre d’vn Iuif de Leoni
Le Banquier de Mazarini.
 
 
Le petit le Febure la Barre,
Qui (fut vn temps) faisoit fanfarre
Contre ce fat de Cardinal,
S’est fait du vilain le vassal.
 
 
Pour treuuer à son mal remede
De Seue s’en alloit en Suede,
Mais, par quelque fatalité,
A Ponthoise il s’est arresté,
Croyant que contre la verolle
Iulle à quelque bonne fiolle.