[retour à un affichage normal]

Accueil > recherche > Affichage d'une occurrence en contexte

Mazarinade n° A_2_57

Image de la page

Du Tillet [signé] [1649], DISCOVRS FAIT PAR LES DEPVTEZ DV PARLEMENT DE PROVENCE. dans le Parlement de Paris, toutes les Chambres assemblées. Ensemble la Response de Monsieur le Premier President, auec l’Arrest de ladite Cour. Des 15. & 28. Ianuier 1649. , françaisRéférence RIM : M0_1123. Cote locale : A_2_57.


les mirent en possession. Vn mal-heur si
inesperé ayant surpris le Parlement, il creut par
son obeïssance rendre ses oppositions plus fauorables,
& que sa submission destourneroit cét orage.
Il eut recours à la Iustice du Roy par diuerses deputations,
offrant les mesmes sommes : Mais au lieu
d’estre escouté, la plus grande partie d’iceux fut
releguée auec leurs familles par Lettre de Cachet
en diuers lieux, tant dedans que dehors le Royaume,
apres auoir esté criez à son de Trompe en toutes
les Villes de la Prouince par Ordonnãce du Gouuerneur ;
& ce qui restoit de ce corps, estoit affligé
par des procez criminels, & des logemens de gens
de guerre. Ce bannissement a duré iusques au mois
passé, où la poursuite des mesmes Deputez sembloit
auoir touché la clemence du Roy, apres que les
soins de cét auguste Parlement auoit obtenu le
soulagement de tout le Royaume, par la Declaration
du mois d’Octobre dernier : Mais au lieu de
receuoir les effets d’icelle, le 28. Decembre il y eut
Arrest qui confirmoit le Semestre, & defenses aux
vieux Officiers de rentrer dans leurs Charges, dont
ils ont esté tousiours priuez depuis cét establissement :
Et de plus, vint nouuelles Lettres de Cachet
enuoyées au Gouuerneur, pour reexiler ceux qui
ne faisoient que d’arriuer dans leurs maisons, sans
que les vœux de tous les Ordres de la Prouince, qui
souspiroient pour le retour de leurs Magistrats legitimes,
fussent escoutez, auec lesquels ils esperoient