[retour à un affichage normal]

Accueil > recherche > Affichage d'une occurrence en contexte

Mazarinade n° B_15_25

Image de la page

Anonyme [1652], CONTRACT FAIT ET PASSÉ EN la ville de Pontoise, le 13. Aoust 1652. Entre le C. Mazarin, & le Marquis de la Vieville, Sur-Intendant des Finances. , françaisRéférence RIM : M0_784. Cote locale : B_15_25.


Contract fait & passé en la ville de Pontoise, le 13. Aoust
1652. Entre le C. Mazarin, & le Marquis de la Vieville,
Sur-Intendant des Finances.

PARDEVANT les Notaires Gardenottes du Roy
nostre Sire, establis à Pontoise, Furent presens en
leur personnes, Eminentissime Iules Mazarin, Cardinal
de la Saincte Eglise, premier Conseiller du Roy
en ses Conseils, logé en la grand’ruë de ladite ville de
Pontoise, parroisse S. Maclou, d’vne part : Et Messire
François de la Vieville, Cheualier des Ordres du Roy,
Conseiller du Roy en ses Conseils, Sur-Intendant de ses
Finances, aussi logé en ladite grand ruë de ladite
mesme Parroisse, d’atre : Lesquels ont reconnu & confessé
estre demeurez d’accord entre eux des conuentions
qui ensuiuent : C’est à sçauoir, que ledit Seigneur
Mazarin a promis & promet de s’employer de
tout son pouuoir enuers la Reyne Mere du Roy, pour
adoucir l’aigreur qu’elle peut auoir conceuë contre ledit
sieur Marquis de la Vieville, à cause de son insuffisance,
quolibets & redites trop frequentes, dont il a
accoustumé d’vser dans le Conseil, bâillements aussi
trop communs, qui sont contre la decence, & aussi
du peu de soin qu’il a apporté à s’informer des fonds
qui sont dans les finances, & de la trop grande retenuë
dont il a iusques à present vsé, pour satisfaire aux demandes
de ladite Dame Reyne, & de n’en point relascher