[retour à un affichage normal]

Mazarinade n° B_10_20

Image de la page

Anonyme [[s. d.]], CONSVLTATION CHRESTIENNE ET POLITIQVE : Sçauoir ; LEQVEL EST LE PLVS EXPEDIENT, & le plus avantageux à la France, que le Cardinal de Retz, ou le Cardinal Mazarin Gouuerne l’Estat. , françaisRéférence RIM : M0_779. Cote locale : B_10_20.

de Rets est le seul qui retarde l’accommodement
de Son Altesse Royale auec Sa Majesté, pour des raisons
qui ne regardent que son propre interest, & son
auancement particulier ; & que par ainsi il n’y a plus
que ces deux broüillons, & ces deux pestes publiques
qui sont cause que le Royaume se deschire luy-mesme,
que la Maison Royale est en diuision, que les peuples
sont accablez de misere, que la justice est violentée &
n’est plus reconnuë, que la Religion deperit tous les
iours, que les blasphemes, les sacrileges, les incestes,
les violences, les brigandages, & toutes sottes de crimes
se commettent impunément par tout ; il faut pour
remedier doucement à tant de desordres, que le Mazarin
sorte du Royaume, suiuant la Declaration de Sa Majesté
verifiée dans tous les Parlements, & chasser le Cardinal
de Rets incontinent apres, si on veut reuoir la
France en repos, les peuples sans misere, le Sang Royal
sans alteration, la Religion dedans sa pureté, la justice
dessus son Throsne, le commerce restably, la tyrannie
abbatuë, & toute l’Europe en paix. Sinon tenez pour
certain, que tant que l’on fomentera l’ambition de ces
deux Prelats interessez, & que nostre Roy & Son Altesse
Royale appuyeront leur insolence & leur temerité, en
les souffrant plus long-temps aupres de leurs personnes
aymables, ils n’auront iamais de satisfaction dans l’ame,
& seront toûjours dans la haine & l’auersion des peuples
qui sont las de tant de souffrances, & a demy desesperez
par tant de tyrannies qui ruinent le Roy & le