[retour à un affichage normal]

Mazarinade n° B_10_20

Image de la page

Anonyme [[s. d.]], CONSVLTATION CHRESTIENNE ET POLITIQVE : Sçauoir ; LEQVEL EST LE PLVS EXPEDIENT, & le plus avantageux à la France, que le Cardinal de Retz, ou le Cardinal Mazarin Gouuerne l’Estat. , françaisRéférence RIM : M0_779. Cote locale : B_10_20.

dans l’esclauage, & de sousmettre cette Capitale en la
destruisant, d’abattre le Parlement en le transferant, &
luy ostant la pluspart de son ressort pour en créer trois
ou quatre nouueaux, & de ranger les peuples en ne leur
laissant que les plaintes, & le souuenir de leurs felicitez
passées.
 
Ce discours n’est point d’vn Prestre, encore moins
d’vn Archeuesque, d’vn Docteur en Theologie, & d’vn
Predicateur Euangelique ; il faut estre moins qu’homme
pour s’abandonner à tant de cruautez, & autre chose
que Chrestien pour suggerer tant de tyrannies : C’est
pourquoy ce n’est pas sans raison, ny sans beaucoup de
justice que le Roy ordõne par sa Declaratiõ du 18. Avril
1651. qu’à l’aduenir aucuns Estrangers, quoy que naturalisez,
ny ceux de ses Sujets qui auront esté promus à la
dignité de Cardinal, n’auront plus entrée dans ses Conseils,
& ne seront admis à la participation de ses affaires ;
ce que le Parlement a verifié par son Arrest toutes les
Chambres assemblées, le dix neufiesme du mesme mois
ensuiuant, qu’il fera executer, s’il luy plaist, exactement
& religieusement, pour empescher que ces Pasteurs
pretendus ne deuiennent les loups rauissans de
leurs ouailles, & pour meriter le iuste tiltre qu’on luy
donne, de Pere du peuple, de conseruateur de l’Estat,
& de destructeur de la tyrannie & de la nouueauté.
Puis donc qu’il est constant qu’il n’y a que le Mazarin
qui empesche que le Roy ne reuienne à Paris, & ne soulage
son peuple ; & qu’il est encore plus vray que le Cardinal