[retour à un affichage normal]

Mazarinade n° B_20_15

Image de la page

Anonyme [1649], CONSOLATION AV PEVPLE DE PARIS, TOVCHANT LES AFFAIRES DE CE TEMPS, , françaisRéférence RIM : M0_770. Cote locale : B_20_15.

resiouyt toute la terre. C’est pour cela que Salluste
admonestoit Cesar, que comme il estoit bon & vaillant,
qu’il eust soin aussi de commander à des gens de bien.
 
Ne crains donc rien desormais, ô ma chere Patrie,
puis que tu te conserues auec quelque espece de scrupule
& de Religion dans l’obeïssance que tu dois à ton Monarque.
Cela estant ie me promets vn heureux changement,
& que de tes espines il naistra des rozes, pour se
mesler à tes lis, & pour en faire des bouquets de bonne
odeur, & que leur fraischeur demeurera tousiours, & fera
enuie aux Nations estrangeres. C’est vn bien que ie te
presage & que ie te souhaite, afin que dans le calme, apres
auoir fermé le Temple de Mars, nous puissions caresser
ces belles Muses, que le son des trompettes a espouuentées.
Il y aura plaisir de chanter à l’ombre des palmes
les triomphes de nos Heros, & le retour de la paix si long-temps
souhaittée. Ce n’est pas que ie pretende auoir place
parmy ces nobles genies qui possedent ce qu’il y a de
beau & de rare dans les sciences & dans les arts. Ie voy
auec plaisir les couronnes du Parnasse sur les fronts de
ces nouueaux Orphées pour qui la France a produit de
fameux Iasons.
Reuenez donc, ô belle Nymphe, parée de vos rameaux
d’Oliuiers, & faites couler icy les eaux dorées de ces
fleuues si vantez. Faites reuoir en nos iours la pompe
de ces siecles, à qui la fable a donné le nom du plus
riche & du plus brillant de tous les metaux. Il me semble
que ie la voy qui se prepare pour venir chez toy,
ô mon aymable Patrie, & qu’elle vient secher tes larmes,
& chasser les tenebres & la nuict qui te couurent, par