[retour à un affichage normal]

Mazarinade n° E_1_108

Image de la page

Du Tillet [signé] [1649], Arrest de la Cour de Parlement, POVR LA DESCHARGE ENTIERE des loyers des Maisons, du quartier de Pasques, en la Ville & Faux-bourgs de Paris, Rendu en interpretation de celuy du dixiéme Auril dernier. Auec Reglement pour les Baux. , françaisRéférence RIM : M0_264. Cote locale : E_1_108.

à ce qu’en interpretant l’Arrest du dixiéme Avril
dernier, ils fussent deschargez des loyers des maisons
pareux occupées pour les deux Quartiers
d’Octobre & Ianuier dernier, du moins ce qui
reste à payer du premier d’iceux. Autre par François
Baujois & autres, tous tenans à loyer des
maisons & chambres en cette ville de Paris tendante
à mesme fin. Autre par Toussainct Gillot
& autres locataires des maisons & boutiques de
la ruë S. Honoré du costé des Halles, à ce qu’ils
fussent deschargez de moitié du terme de Noël
& entierement du terme de Pasques, & pour l’advenir
les Baux declarez nuls & resolus, si mieux
n’ayment les proprietaires consentir la descharge
du tiers à l’aduenir : Autre par René Maheut &
autres, tous principaux locataires de maisons de
la place Maubert & es enuirons, à ce qu’il fust
ordonné qu’ils auroient diminution entiere d’vne
demie année de leurs loyers escheux ou à escheoir,
auec deffenses de les contraindre. Autre
par Noël Carré Bourgeois de Paris, principal locataire
d’vne maison scize place Maubert ; à ce
qu’il fust deschargé purement & simplement des
trois termes ; sçauoir, deux escheus au iour de Pasques
dernier, & celuy qui escherroit à la S. Iean
prochain, & que le Bail de ladite maison demeureroit
resolu. Autre par Antoine le Grand & autres,
tous Hostelliers & Cabaretiers demeurans en
la place Maubert & és enuirons d’icelle, à ce qu’il