[retour à un affichage normal]

Accueil > recherche > Affichage d'une occurrence en contexte

Mazarinade n° C_12_7

Image de la page

Du Puy [signé] [1652 [?]], IVGEMENT CONTRADICTOIRE DE NOSSEIGNEVRS DES REQVESTES DV PALAIS DV PARLEMENT DE PARIS aprés six Audiances. SVR LA CONTESTATION MEVE ENTRE les Chanoines Reguliers de S. Augustin de la Congregation de France, & les Religieux Benedictins de la Congregation de S. Maur. , françaisRéférence RIM : Mx. Cote locale : C_12_7.


de l’Ordonnance dudit Lieutenant Ciuil du Chastelet de
Paris, estant au bas de ladite requeste dudit iour 17. Aoust
1650. des exemplaires desdits deux liures, ou Apologies
susdites desdits Quatremaire & Valgraue, contre la susdite
Relation, & contre le liure de Thomas à Kempis vindicatus
dudit P. Fronteau, entre les mains de Philippes Roulier
Relieur de liures à Paris, & Iean Bilaine Marchand
Libraire & Imprimeur audit Paris, suiuant le procés
verbal du Commissaire Banelier du dix septiéme Aoust
mil six cens cinquante : Et encore demandeur en execution
de Sentence renduë par ledit Preuost de Paris,
ou son Lieutenant Ciuil au Chastelet le dix-septiéme
Aoust mil six cens cinquante, portant defenses
ausdits Roulier & Bilaine, de vendre & distribuer à qui
que ce soit, les exemplaires desdites pretenduës Apologies,
à peine d’amende, dépens, dommages & interests,
& defendeur, par Maistres Laudier, & Iean Godier ses
Aduocat, & Procureur d’vne part. Et Dom Placide
Roussel Prieur de l’Abbaye sainct Germain des Prez lés
Paris, & ledit Robert Quatremaire Religieux de ladite
Abbaye, & ledit Frere François Valgraue Prieur
d’Aulnay, tous Religieux de l’Ordre de sainct Benoist
defendeurs & demandeurs en requestes par eux presentées
à la Cour les vingt-neufuiéme & trentiéme Decembre
mil six cens quarante-neuf : la premiere tendante
à ce que faute par ledit Naudé, d’auoir satisfait
à la Sentence de ladite Cour du sixiéme Septembre
mil six cens quarante-neuf, & suiuant icelle fait apporter
les quatre Manuscrits du liure de Imitatione Christi, de
la ville de Rome en cette ville de Paris, & dont estoit
question, qu’ils seroient enuoyez absous de sa demande,
& que pleine & entiere main-leuée seroit faite de la
saisie qu’il a fait faire des exemplaires desdites Apologies
contre sa Relation, entre les mains desdits Roulier
& Bilaine, Libraires, Imprimeurs & Relieurs de liures à
Paris, auec dépens, dommages & interests : & la seconde
presentée par ledit Valgraue, à ce que l’Epistre, Relation,