[retour à un affichage normal]

Accueil > recherche > Affichage d'une occurrence en contexte

Mazarinade n° C_12_7

Image de la page

Du Puy [signé] [1652 [?]], IVGEMENT CONTRADICTOIRE DE NOSSEIGNEVRS DES REQVESTES DV PALAIS DV PARLEMENT DE PARIS aprés six Audiances. SVR LA CONTESTATION MEVE ENTRE les Chanoines Reguliers de S. Augustin de la Congregation de France, & les Religieux Benedictins de la Congregation de S. Maur. , françaisRéférence RIM : Mx. Cote locale : C_12_7.


temps il fut prié par le Reuerend Pere Dom Simon
Placide Religieux Benedictin, & Procureur en
Cour de Rome des Benedictins François, & le Pere
Iean N. aussi Religieux Benedictin, & Procureur audit
lieu des Benedictins Anglois, auec le sieur Florauenté
Martinelli, l’vn des Sousgardes de la Bibliotheque Vaticane,
pour voir & examiner quatre Manuscrits du liure
de Imitatione Christi, qu’ils disoient porter le titre de
Ioannes Gersen Abbé de Verceille de l’Ordre des Benedictins ;
afin d’en faire coniointement leur rapport veritable
deuant ledit sieur Cardinal Bagny, pour en suite estre
par luy authorisé, afin de l’enuoyer à defunct Monsieur
le Cardinal de Richelieu, qu’ils supposoient l’auoir
demandé pour le faire imprimer sous le nom dudit Iean
Gersen, & laquelle authorisation ou approbation leur fut
refusée, parce que lesdits Manuscrits furent reconnus
pour falsifiez, corrompus, & alterez en diuerses façons :
& que defenses fussent faites au nommé Iean Bilaine Libraire,
de vendre, exposer, & donner au public lesdits
deux liures d’Apologies ou Réponses ; & luy donner
acte des offres qu’il faisoit, de faire venir lesdits quatre
Manuscrits de la ville de Rome, pour estre veus & examinez
de nouueau par personnes suffisantes & capables, &
de consigner la somme de mil liures entre les mains du
Receueur de l’Hostel-Dieu de Paris, pour estre conuertis
au profit dudit Hostel-Dieu, au cas qu’en procedant
à la reuision desdits Manuscrits, ils ne fussent iugez entierement
conformes à la Relation qui en est imprimée sous
son nom, auec le liure de Thomas à Kempis vindicatus, publié
à Paris en 1649. par Frere Iean Fronteau, Chanoine
Regulier de l’Ordre de S. Augustin de la Congregation de
France, & Religieux en l’Abbaye saincte Geneuiefue du
Mont de Paris ; & que defenses fussent faites ausdits Quatremaire,
Valgraue, & tous autres, de ne plus rien imputer
à l’aduenir audit Naudé, qui puisse blesser sa bonne reputation,
auec reparation, dépens, dommages & interests :
Et encore demandeur en saisie faite à sa requeste, en vertu