[retour à un affichage normal]

Accueil > recherche > Affichage d'une occurrence en contexte

Mazarinade n° C_12_7

Image de la page

Du Puy [signé] [1652 [?]], IVGEMENT CONTRADICTOIRE DE NOSSEIGNEVRS DES REQVESTES DV PALAIS DV PARLEMENT DE PARIS aprés six Audiances. SVR LA CONTESTATION MEVE ENTRE les Chanoines Reguliers de S. Augustin de la Congregation de France, & les Religieux Benedictins de la Congregation de S. Maur. , françaisRéférence RIM : Mx. Cote locale : C_12_7.


biffez desdits liures, & que defenses seront faites audit
Naudé, de plus tenir semblables discours, & de
plus croire telles impostures contre l’honneur & reputation
desdits Religieux Benedictins, à peine de trois
mille liures d’amende applicable au pain des prisonniers ;
& pour l’auoir fait, condamner ledit Naudé en
telle reparation qu’il plaira à la Cour ordonner, & outre
ledit Naudé condamné en tous leurs dommages &
interests, & dépens, par lesdits Billard & André Dacolle
leurs Aduocat & Procureur d’vne autre part, &
ledit Gabriel Naudé defendeur d’autre. Et encore entre
ledit Naudé, demandeur en execution de Sentence
de ladite Cour du quatorziéme Feurier mil six
cens cinquante & vn, & en execution du procés verbal
fait pardeuant Maistre Hugues Grasseteau Conseiller
en la Cour, auec toutes lesdites parties susnommées
le Ieudy treiziéme Iuillet mil six cens cinquante
& vn, & autres iours suiuans desdits mois & an,
contenant les protestations, dires, declarations & requisitions
desdites parties, & celles dudit Naudé, à ce
qu’acte luy fust donné de la representation qu’il faisoit
suiuant la susdite Sentence dudit iour quatorziéme Feurier
mil six cens cinquante & vn, d’vn certain Manuscrit
en quatre liures mentionnez en icelle, intitulé
de Imitatione Christi, par luy fait venir exprés de la ville
de Rome, & à luy enuoyé par le Seigneur Leo Allatius
Gentilhomme Romain, afin de faire reconnoistre
la verité contenuë en sa Relation, employée par ledit
Pere Fronteau, contre laquelle lesdits Quatremaire &
Valgraue auoient fait lesdites Apologies ; & encore à
ce qu’acte luy fust donné, de ce qu’au feüillet cent cinquante-cinq
en la premiere ligne d’iceluy est écrit en
interligne le mot de Canabaco, l’interligne duquel mot
faisoit partie de la contestation d’entre les parties : &
pour faire voir que sa Relation estoit veritable, requeroit
que procés verbal & figure en fust faite ; comme aussi
de ce qu’au feüillet cotté trois cens septante, où est vne