[retour à un affichage normal]

Accueil > recherche > Affichage d'une occurrence en contexte

Mazarinade n° B_12_53

Image de la page

Anonyme [1649], CODICILE TRES-VERITABLE DE IVLES MAZARIN FAIT PAR LA PERMISSION DV ROY, DANS S. GERMAIN EN LAYE. , françaisRéférence RIM : M0_706. Cote locale : B_12_53.


comme le bagage à vne armée, qui l’empesche de
marcher, & luy fait perdre bien souuent la victoire,
ainsi les grandes richesses empeschent vn homme
de marcher en seureté dans le monde, & le plus
souuent luy font perdre la vie. Salomon pour
monstrer qu’elles ne sont pas dans vn estre parfait
ny réel, dit simplement qu’elles sont comme vne
fortesse dans l’imagination du Riche, & si nous les
examinons de prés, nous trouuerons qu’elles ont
remply de malheurs les personnes dont elles ne
peuuent remplir les desirs, & qu’elles en ont beaucoup
plus vendu qu’elles n’en ont iamais rachepté ;
Si ie n’en auois pas tant ramassé, ie serois sans doute
en plus grande trsnquillité, & ne craindrois pas
de souffrir vn semblable destin en France, que Lycurgus
dans la Lacedemonie, & Solon auec Arstide
dans Athenes, dont ils furent bannis par la
commune deliberation du peuple. Apres auoir
meurement consideré l’estat present, où ie me vois
reduit, i’ay deliberé de faire le present Codicille
pour faire participer de mes biens-faits, & de mes
tresors plusieurs personnes de condition & de merite,
dont ie n’auois pas fait mention en mon testament
datte du 29. Aoust de l’an dernier, dans lequel
i’auois premierement donné au Roy mon
Maistre ma grande Escurie, dont les cheuaux sont
du prix de quatre cens mille liures, & à la Reyne
Regente, vn reliquaire de la valeur de cent mille