[retour à un affichage normal]

Accueil > recherche > Affichage d'une occurrence en contexte

Mazarinade n° B_10_33

Image de la page

D. L. N. P. [signé] [[s. d.]], DEVXIESME LETTRE D’VN ECCLESIASTIQVE A VN EVESQVE. Contenant la Confession de Foy du Pere Des-Mares, auec la response du Pere Dom Pierre de S. Ioseph, Fueillant. , françaisRéférence RIM : Mx. Cote locale : B_10_33.


en soy vne faculté suffisante pour voir, & toutesfois
il ne peut voir s’il n’est éclairé & penetré de la
lumiere, tant s’en faut que ie la rejette, que ie l’embrasse
de tout mon cœur. Car par exemple, si vne
ame a la foy, elle a en soy vn principe suffisant en
quelque maniere pour en faire vn acte : ce qui n’empesche
pas qu’elle n’ait besoin de la motion efficace
de Dieu pour cét effet. DES-MARES. »
 
Si on veut l’on conferera là-dessus.
Voila, MONSEIGNEVR, mot pour mot,
la Confession de Foy du Pere Des-Mares : surquoy
ie vous supplie de considerer, qu’en tout
ce discours il s’esloigne auec autant de soin du
point dont il est question, qu’il s’en esloigna dans
la Conference. Parce que quand on luy accordera
tout ce qu’il dit, que pour faire le bien on a besoin
de grace, en la maniere qu’il se persuade ; il restera
tousiours à sçauoir de luy, s’il n’est pas vray que
celuy qui ne fait pas le bien qui luy est commandé,
le peut faire, que Dieu luy offre de soy tout le secours
necessaire pour cela, quel qu’il soit, & qu’en
ce sens il faut admettre vne grace suffisante, qui
n’est pas efficace : à quoy pourtant il n’a iamais osé
répondre. Et en voicy, MONSEIGNEVR, la raison.
Quand les Iansenistes attaquent la grace suffisante,
ils employent tousiours le passage celebre
de S. Augustin, tiré du liure de la Correction & de
la Grace, par lequel ce saint Docteur enseigne,
que l’homme a besoin maintenant pour perseuerer,