[retour à un affichage normal]

Accueil > recherche > Affichage d'une occurrence en contexte

Mazarinade n° B_10_33

Image de la page

D. L. N. P. [signé] [[s. d.]], DEVXIESME LETTRE D’VN ECCLESIASTIQVE A VN EVESQVE. Contenant la Confession de Foy du Pere Des-Mares, auec la response du Pere Dom Pierre de S. Ioseph, Fueillant. , françaisRéférence RIM : Mx. Cote locale : B_10_33.


puis que Iansenius mesme qui a employé
tant d’annees à ajuster les erreurs de Pelage à ses
desseins, a esté contraint d’auoüer que cet heretique
n’a iamais reconnu aucune grace interieure, depuis
le commencement de son erreur, iusques à sa condamnation,
qui fut sous le Pape Zozime ; comme
le Pere de S. Ioseph l’a remarqué en plusieurs de
ses Ouurages. D’où il s’ensuit euidemment, que
tous ceux qui d’écrient aujourd’huy auec tant de
presomption, les opinions communes de la grace,
comme Pelagiennes, & heretiques, sont certainement,
ou de grands ignorans, ou de grands imposteurs.
Ie croyois aller iusques à la fin des esclaircissemens
du Pere Des-Mares, & des reflections que
son Aduersaire y a faites : Mais voyant que ie suis
pressé de fermer cette Lettre, ie vous prie MONSEIGNEVR,
d’agreer que ie remette le reste à vn
autre Ordinaire, & de permettre cependant, que
ie me donne l’honneur de me dire,
 
MONSEIGNEVR,
Vostre tres-humble,
& tres-obeyssant
seruiteur,
D. L. N. P.