[retour à un affichage normal]

Accueil > recherche > Affichage d'une occurrence en contexte

Mazarinade n° B_3_24

Image de la page

Cinq Cieux (Souil de) [Quincé, Ludovix de] [1652], DISCOVRS D’ESTAT, SVR L’ABSENCE ET LA CAPTIVITÉ DV ROY. Dans lequel est monstré, Que ceux qui le tiennent esloigné de sa bonne Ville de Paris, sont aussi criminels, que mauuais Politiques. Par Souil de Cinq Cieux. , français, latinRéférence RIM : M0_1109. Cote locale : B_3_24.


sans luy persuader non seulement de la faire à ses voisins,
mais encore à ses propres subiets, contre toute sorte
de justice & de raison. Et ce qui est de plus estrange &
de plus estonnant dans ces Conseils inhumains est, que
tous ceux qui reuiennent d’auprés du Roy & de sa Cour,
asseurent que ce sont douze Euesques, auec vn General
Huguenot, & le Duc de Boüillon le Chef & le Pere de
tous les Broüillons, qui se relayent & se partagent pour
estre continuëllement aux oreilles de ce jeune Prince,
& de la Reyne sa Mere, pour leur persuader qu’il faut
destruire Paris, punir le Parlement, ruiner les Peuples,
& mettre tout à feu & à sang, parce qu’on veut que le
Mazarin garde son Ban, & que ces bons Prelats demeurent
priuez des Abbayes qu’il leur a promis pour trahir
leur Roy, oppresser ses subjets, & fomenter ses Tyrannies.
On dit que le Parlement ordonna par son Arrest
du 21. Iuin dernier, que les autres par luy donnez touchant
la residence des Euesques, qui est de droit diuin,
seroient executez, & enjoint à ces faux Pasteurs de se retirer
dedans leurs Dioceses, afin d’y faire ce qui est de leur
deuoir, & empescher les cabales & les pratiques qu’ils
font pour conseruer celuy qui recompense leurs crimes,
qui tolere leurs desordres, & qui fauorise leur vie qui n’est
point Apostolique ; mais comme on ne void aucun effet
de cette Ordonnance, & que l’on compte plus d’Euesques
espions dedans Paris & à la suite du Mazarin, que
dans le reste du Royaume, il est aisé de se persuader qu’il
n’y a plus que l’iniustice qui regne, que les Prelatures ne
sont plus que des fermes & des receptes de Courtisans,
que la vertu n’est plus que pour les simples Prestres, &
que sainct Paul ne sçauoit pas ce que c’estoit des douceurs
de la Cour, ny d’estre amy du Mazarin, quand il a dit, que ;
Opo tet Episcopum irreprehensibilem esse, sobrium, prudentem,
ornatum, pudicum, hospitalem, Doctorem, non vinolentum, non
percussorem, sed modestum ; sine crimine, non superbum, non iracundum,
non turpis lucri cupidum ; sed hospitalem, benignum, sobrium,
iustum, sanctum, continentem amplectentem eum qui secundum