[retour à un affichage normal]

Mazarinade n° C_3_90

Image de la page

C. J. [signé] [1649], LA LETTRE D’VN SECRETAIRE DE S. INNOCENT A IVLES MAZARIN. , français, latinRéférence RIM : M0_1896. Cote locale : C_3_90.

il m’a esté impossible de leur persuader que vous estes le
plus ridicule Ministre qui ait iamais esté. Ie vous asseure
qu’à present ils le croyent, & quand vous vous estes engagé
en cette dignité de fauory, vous n’avez pas sceu
que nous auons des exemples dans nos Histoires, de ceux
qui ont possedé les Roys, qui ont fait des fins fort esloignées
de celles qu’ils s’estoient proposées, il y a eu veritablement
de grands hommes, & les Roys qui les ont
choisis pour estre soulagez dans le pesant fardeau de
leur Royaume, nous font voir que celle de trouuer vn
bon Ministre, c’est la peine la plus insupportable. Charles
V. surnommé le Sage, comme il estoit Prince
de grand sens, n’ayma iamais que des seruiteurs bien
censez, ainsi il affectionna le Connestable du Guesclin,
à cause de ses rares vertus : Charles VII. pour le mesme
sujet admit au Gouuernement de son Estat Iean
d’Orleans, appellé pour ses merites le bon Comte de Dunois,
au quel la France demeure encore redeuable, aujourd’huy,
pour les continuels seruices qu’il a rendus à
cette Couronne pendant le cours de sa vie : Louis XI.
choisit Tristan l’Ermitte : le Roy François I. ayma l’Admiral
de Bonniuet pour la gentillesse de sa personne :
Henry II. Esleua Montmorency pour son courage, &
Charles IX. tint le Mareschal de Rez pour sa bonne conduitte,
Henry III. agrandit d’Espernon pour son esprit :
Henry IV. le Duc de Sully pour l’instrument de ses
desseins, LOVIS XIII. se trouua obligé pour le bien de
son Royaume de se cõfier au Cardinal de Richelieu. Voila
Monsieur vn petit abregé des fauoris, mais grands
hommes, & s’il les faut considerer par les grandes & importantes
affaires qu’ils ont adrettement & genereusement
démeslées, Vous auoüerez auec moy, que vou