[retour à un affichage normal]

Accueil > recherche > Affichage d'une occurrence en contexte

Mazarinade n° B_15_13

Image de la page

Bouleraut [signé] [1652], ARREST DV PARLEMENT DE PONTOISE. Du cinquiesme Octobre 1652. Rendu sur les plaintes faites en iceluy par les principaux de la Cour, contre trois sortes de creatures. , françaisRéférence RIM : M0_338. Cote locale : B_15_13.


viennent s’escartiller sur nos robbes : d’autres qu’il falloit
vn peu attendre, & que c’estoient des creatures de Dieu
qui ne pouuoient pas beaucoup viure, car le froid qui se
prepare à nous venir voir feroit mourir lesdits sieurs poux,
& cacher puces & punaises dans les trous des murs & chalis.
plusieurs autres dirent qu’il falloit auoir patience. &
qu’ils en seroient bientost deliurez, attendu que le Prince
de Condé nous poursuit, & nous tient au cul & aux chausses,
& nous viendra faire griller dans Ponto se auec lesdits
sieurs poux, puces & punaises. Le premier President
prend la parole & dit, quoy qu’il arriue qu’il estoit impossible
d’attendre d’auantage à cause que ces mauuais
animaux le deuoroient : & tournant sa robbe alenuers elle
estoit toute blanche de poux & tachée de punaises, & mesme
ouurant son poictral son estomac en estoit tout perdu,
ce qui luy fist derechef dire : Messieurs que l’on ne tarde
à y mettre ordre sur le champ, car ils feront tomber nos
barbes à force de dechiqueter nos mentons. Apres les
susdites deliberations, LA COVR a ordonné & ordonne,
que deffenses seront faites ausdits poux, puces & punaises
de s’attroupper ny de se venir planter sur le col &
les espaules d’aucuns Conseillers, Seigneurs & Habitans
de Pontoise, à peine d’estre declarez perturbateurs du repos
public & d’estre escrasez tout en vie entre les ongles.
Fait commandement aux communes de leur courir sus &
les tuër & massacrer : A fait & fait deffenses à tous Messagers
& autres d’y en apporter aucuns pour quelques sommes
que ce soit à peine de cent liures d’amende pour la
premiere fois, & de punition corporelle pour la seconde.
Et que le present Arrest sera leu & publié à son de trompe
par tous les coings & carrefours de cette ville de Pontoise,
& coppies enuoyées en tous les Bailliages du ressort
dudit Parlement à la diligence du subtitut du Procureur
general, & à tous Sergents, Archers & leurs records de