[retour à un affichage normal]

Mazarinade n° B_8_63

Image de la page

Anonyme [1652], LA TRAHIZON DV DVC CHARLES, Tramée par le Roy d’Angleterre & le Cardinal de Rez, Coadiuteur de Paris. Et descouuerte par Monseigneur le Duc de Beaufort, le Dimanche 16. Iuin 1652. , françaisRéférence RIM : M0_3792. Cote locale : B_8_63.

le Mareschal de Tureine. Monseigneur le
Prince de Condé fait voir combien sa deffiance
estoit iuste enuers le Duc de Lorraine l’euenement
de cette trahison, iustifie la plainte qu’il fit
à Messieurs de Parlement, leur disant qu’on se
pouuoit passer de l’arriuée du Duc de Lorraine,
que si l’on eust cottisé les Habitans de Paris à
cinquante sols, on eust leué vn armée laquelle
n’auroit point incommodé ni fait les pilleries que
les Lorrains ont fait & auroit rendu plus de seruice.
 
Nous pouuons dire qu’à quelque chose malheur
est bon. Paris a eu l’apprehension que Monsieur
le Duc de Beaufort estoit arresté par le Lorrain.
Il est certain que ce traistre a manqué son
coup. Aussi son Altesse a dit hautement parlant
des Lorrains, ils mont pensé surprendre qu’on
n’en laisse entrer aucun qui ne soit arresté. Il n’y
a eu dans cette trahison que les Lorrains naturels
qui ayent suiuy le party du Duc Charles,
tour le monde sçait que ce sont plustost des. Voleurs
qui ne sçauent que piller, que des soldats,
ils n’ont iamais combattu qu’ils n’ayant esté vaincus.
Les meilleurs troupes qui sont commandées
par Dom Gabriel de Toledo, & le Comte
de Ligne n’ont point voulu flaistrir leur renommée
par vne si grande lachetté. Monseigneur le