[retour à un affichage normal]

Accueil > recherche > Affichage d'une occurrence en contexte

Mazarinade n° A_9_40

Image de la page

Anonyme [1649 [?]], CAYERS DES REMONSTRANCES FAITES AV ROY ET A LA REYNE REGENTE. PAR LES DEPVTEZ DV PARLEMENT de Prouence. , françaisRéférence RIM : M0_663. Cote locale : A_9_40.


generales, que M. le Comte d’Allais leur
fist esperer lors qu’il voulut former le funeste party
qui a excité tous les troubles de cette Prouince, &
mesme deuant ses derniers mouuemens sept ou
huit cens personnes, qui n’auoient pas encores le
faux pretexte dont elles se seruent aujourd’huy, obtindrent
sur Requeste deux Arrests en vostre dit Conseil
aux mois d’Avril & Iuin dernier, qui interdisent
tant les Iuges ordinaires que les Souuerains de la connoissance
de toutes leurs affaires Ciuiles & Criminelles,
& de celles de leurs Peres, Meres, Freres,
Sœurs, Oncles, Tantes, Nepueus, Niepces, Cousins
germains & domestiques, jusques à ce que
Vostre Majesté en ayt ordonné.
 
Ce qui oblige vostre Parlement de remonstrer
tres-humblement à Vos Majestez, qu’on ne pût accorder
ces sortes d’Euocations sans blesser mortellement
la Iustice, renuerser les Loix du Royaume,
destruire vos Declarations, troubler le repos d’vn
nombre infiny de familles & ruiner l’autorité de vostre
Parlement si necessaire au bien de vostre seruice
dans vne Prouince esloignée & frontiere.
Vos Majestez ne douteront point de cette importante
verité, s’il plaist à leur bonté de considerer, que
le ressort du Parlement de Prouence est de fort petite
estenduë.
Que pour subuenir aux vrgentes necessitez de
l’Estat, cette Compagnie ayant esté augmentée d’vne
vingtaine d’Officiers de nouuelle création depuis