[retour à un affichage normal]

Accueil > recherche > Affichage d'une occurrence en contexte

Mazarinade n° A_9_40

Image de la page

Anonyme [1649 [?]], CAYERS DES REMONSTRANCES FAITES AV ROY ET A LA REYNE REGENTE. PAR LES DEPVTEZ DV PARLEMENT de Prouence. , françaisRéférence RIM : M0_663. Cote locale : A_9_40.



D’ailleurs, les corps composez de tant de membres
differends & qui se renouuellent tous les iours,
ne peuuent iamais estre censez capables de passion :
A quoy il suffiroit d’adjouster que M. le Comte
d’Allais aduoüe luy mesme dans ses manifestes
qu’il n’y a que sept ou huict Officiers du Parlement
qui ont donné lieu à tous les desordres, & que la
pluspart des autres sont ses amis, s’y bien que tous
les Iuges ne doiuent pas estre suspects à ceux qui
ont suiuy son party.
Mais qui ne voit que par ces Euocations, M. le
Comte d’Allais pretend se venger du Parlement,
affoiblir son authorité, en rendre independant son
party & fomenter les diuisions dans la Prouince si
fauorables à ses desseins : A quoy Vos Majestés ont
voulu remedier par leur clemence, en ordonnant
l’amnistie laquelle doit enscuelir la memoire du passé,
reünir les esprits & les cœurs, & passer l’esponge
sur tout ce qui a esté fait durant les mouuemens,
afin que tous vos Subjets concourent ensemble au
bien de vostre seruice.
Vos Majestez sont donc, tres-humblement suppliées,
de preuenir par leurs bontés la suitte des maux
que telles Euoccations pourroient causer, faisant executer
ponctuellement les Ordonnances des Roys
vos predecesseurs, & vostre Declaratiõ du mois d’Octobre
mil six cens quarante huict, comme aussi
celle du mois de Mars dernier confirmée par le
Traicté de Ruel, laquelle est d’autant plus iuste, qu’elle