[retour à un affichage normal]

Mazarinade n° E_1_39

Image de la page

Anonyme [1649], LA SANGLANTE DISPVTE ENTRE LE CARDINAL Mazarin & l’Abbé de la RIVIERE. LE VISAGE DE BOIS AV NEZ DV MAZARIN, & son exclusion de la Conference de Ruel. ET LA SVPPLICATION FAITE AV ROY POVR auancer le procez des Partisans & Financiers. Sur l’imprimé à Paris. , françaisRéférence RIM : M0_3583. Cote locale : E_1_39.

cours heureux de vos armes & de renuerser vostre couronne
& vostre sceptre.
 
Coutez donc, Sire, & ne vous arrestez point à escouter la
voix charmante de ces Sirenes, qui par leur chant trompeux
taschent de vous surprendre si vostre prudence ne resistoit à
leur charmes, & ne vous faisoit éuiter leurs pieges.
Que vostre Majesté, Sire, ne traite point ce corps par compositions,
ny de main-morte, qu’elle n’esbranle point cét Arbre
par abolitions, mais qu’elle porte la coignée à la racine
qu’elle extirpe & foudroye cét imfame troupeau.
Vostre Majesté, Sire, n’ignore pas qu’il ne soit tres-dangereux
de mignarder de semblables Monstres qui suiuent apres
estre appriuoisez s’efforcent de perdre & de ruiner ceux mesmes,
ausquels ils sont redeuables de leur vie & de leurs biens.
Cette maudite race doit estre comparée à ces rats qui sont
dans ses minieres d’où l’on tire l’or, lesquels deuorent la mine,
& desquels neantmoins on ne peut tirer aucun seruice, sinon
qu’estans morts on en fait des anatomies. Et ie prie vostre Majesté
de considerer qu’vsant de sa clemence ordinaire à l’endroit
de ces sangsuës du peuple, & que leur conferant de nouuelles
faueurs, ils ne s’en seruiront que pour authoriser leurs
mauuais desseins, & pour entretenir leurs vices. Car si vous
pensez les obliger pour en auoir du secours en quelque extreme
necessité, vous experimenterez bien tost là verité du dire
de ce fameux & celebre Philosophe de l’Antiquité Crates, qui
asseure que l’argent de telles gens ressemble aux figues qui
croissent dans les hautes montagnes & lieu x inaccessible, ausquelles
les hommes ne peuuent attaindre, mais seulement les
Corbeaux & les Milans, & les autres oyseaux de cette nature
qui sont les viues Images de ces cruelles Harpies.
Toutes ces veritez, Sire, sont si connuës que personne n’en
peut douter, estans confirmées par vne infinité d’exemples qui
se rencontrent dans les Histoires, on remarque qu’Henry le
Grand vostre ayeul, quoy qu’il eust reconneu les tours ordinaires
de ces pestes de Royaume, esprouué au plus fort de
ses affaires leur infidelité, & receu les plaintes de leurs abus,
neantmoins par vn excez de bonté leurs auoir octroye le pardon
& l’abolition qu’ils luy auoient requise, mais ils sçeurent