[retour à un affichage normal]

Accueil > recherche > Affichage d'une occurrence en contexte

Mazarinade n° D_2_39

Image de la page

Anonyme [[s. d.]], CAVSES DE RECVSATION proposées par Monsieur le Duc de Beaufort, Messire Iean François Paul de Gondy Archeuesque de Corinthe & Coadjuteur de Paris, Monsieur de Broussel Conseiller en la Cour, Monsieur Charton President aux Requestes du Palais & autres. CONTRE MRE MATHIEV MOLE premier President au Parlement de Paris, Mr Molé de Champlatreux son fils Conseiller Honoraire en ladite Cour, & leurs parens & alliez au degré de l’Ordonnance. , françaisRéférence RIM : M0_656bis. Cote locale : D_2_39.


De quel front, & auec quel visage pourroit-il interroger les accusez.
Ne seroit-ce pas vne chose que les siecles passez n’ont iamais
veu, & que la posterité ne verra iamais. Ne seroit-ce pas
vn monstre dans la Iustice, de voir Monsieur le premier President
en sa place demander à Monsieur le Duc de Beaufort, à Monsieur
le Coadjuteur, à Monsieur de Broussel, à Monsieur le President
Charton, & à tous ceux que l’on a malicieusement engagez dans
l’accusation. N’aués vous pas eu dessein sur ma vie, n’aués vous
pas comploté contre moy ?
 
Vn homme qui profere ces paroles, qui se figure ces Meurtriers,
qui les voit en sa presence, qui se les represente le poignard
à la main prests à l’egorger, & à respandre son sang, qui croit à
son imagination plustost qu’à la verité, demeurera pour lors sans
emotion ? Il conseruera la liberté entiere de son esprit, l’amour
de luy mesme ne preuaudra point sur la Iustice ? Certes, il faudroit
que Monsieur le premier President fust d’vne autre nature que
tous les autres hommes pour n’estre point touché d’aucun ressentiment,
& pour considerer auec indifference les personnes,
le crime, & l’accusation.
Les accusez peuuent dire des à present que Monsieur le premier
President est bien esloigné de cette égalité & de cette indifference
de Iugement, que toutes les loix desirent dans la personne
des Iuges.
Il a tousiours fait sa cause propre de l’accusation dont il s’agit.
Tout Paris sçait qu’il y a eu de ses domestiques, & d’autres personnes
qui sont d’vn rang plus esleué, qui ont esté en plusieurs
maisons, pour demander si l’on ne sçauoit pas que Monsieur le
Marquis de la Boulaye estoit allé au logis de Monsieur de Broussel
le iour qu’il se fit quelques bruits & quelques murmures, &
s’ils n’en vouloient pas deposer.
Il a aussi tesmoigné publiquement parlant de l’Instruction du
procez, que Messieurs les Commissaires de la Cour ne sçauent
pas faire des Informations, & que le Lieutenant Criminel entendoit
bien mieux cela qu’eux.
Tout Paris sçait encore la familiarité & la communication qu’à
eu le nommé la Ralliere auec Monsieur le premier President, &
comme durant le cours de cette affaire il est allé dans sa maison
à toutes heures, & mesme de nuict. Cependant c’est la Ralliere