[retour à un affichage normal]

Mazarinade n° C_9_14

Image de la page

Anonyme [1650 [?]], CAVSES DE RECVSATION contre Monsieur le Premier President, Mr de Champlastreux son fils, leurs parens & alliez au degré de l’Ordonnance. , françaisRéférence RIM : M0_656. Cote locale : C_9_14.

nous voile les yeux, & nous fait voir les choses
toutes autres qu’elles ne sont, & qu’elles ne nous
paroisteroient dans les autres occasions ; donc toutes
les informations n’estans composees que des
iniures pretendües contre les actions & la conduitte
de Monsieur le Premier President, estant parlé
d’entreprises que l’on deuoit faire sur sa personne,
il faudroit que Dieu luy eust donné vne autre nature
qu’à tous les hommes du monde s’il pouuoit
dans cette rencontre, conseruer la liberté toute
entiere de son esprit, & se faire iustice à luy-mesme.
 
Au reste, il a fait toutes les demarches d’vne
personne qui s’interessoit puissamment dans l’affaire :
ses domestiques ont esté en plusieurs endroits
de cette ville de Paris, pour demander si l’on ne
sçauoit pas que le sieur Marquis de la Boulaye,
estoit allé au logis de Monsieur de Broussel le iour
qu’il se fit quelques bruits & quelques murmures,
& s’ils n’en vouloient pas deposer, quand les informations
de Messieurs les Commissaires ont esté
leües, il a tesmoigné assez hautement qu’ils ne sçauoient
pas faire des informations, & que le Lieutenant
Criminel entendoit mieux cela qu’eux : Et
de fait, le Lieutenant Criminel, sans Commission
de la Cour, qu’il ne pouuoit auoir que de l’authorité
des Chambres assemblees, a luy mesmes fait
des informations, dans lesquelles il a entendu