[retour à un affichage normal]

Mazarinade n° C_9_14

Image de la page

Anonyme [1650 [?]], CAVSES DE RECVSATION contre Monsieur le Premier President, Mr de Champlastreux son fils, leurs parens & alliez au degré de l’Ordonnance. , françaisRéférence RIM : M0_656. Cote locale : C_9_14.

que l’on suppose auoir esté faits, qui alloient
contre sa vie & la personne, changent tout l’ordre
politique, & de la iustice ordinaire, pour trouuer
vn moyen, ou quelque couleur pour le faire demeurer
Iuge, c’est ce que les Accusez ne peuuent
comprendre, & moins encore de s’estre trouuez
obligez par necessité à faire vn si long discours,
pour combattre sa pretention & sa resistance, laquelle
a paru encore si grande au dernier iour, que
quand on a presenté les requestes de recusation
contre luy, il a seulement plaidé derriere le Barreau,
pour faire veoir qu’il deuoit demeurer Iuge
& n’a point répondu precisement aux moyens presentez
par lesdites Requestes, qui est vne extraordinaire
affectation.
 
Les Accusez finiront donc comme ils ont commancé,
ils esperent que la Cour en leur faisant Iustice,
la fera aussi à Monsieur le Premier President,
qui n’a pas voulu se la faire à luy mesme, & qui a
esté chercher sa defense dans des distinctions, & des
subtilitez hõteuses & toutes nouuelles. Il sçait que
la Iustice est toute chaste, & qu’elle ne peut souffrir
les moindres soupçons, que ceux qui sont esleuez
aux plus hautes Magistratures doiuent estre les
plus ialoux de leur gloire & de leur reputation,
que ce n’est pas le moyen de la conseruer de s’abandonner
comme il a fait à ses passions & à ses