[retour à un affichage normal]

Mazarinade n° C_9_14

Image de la page

Anonyme [1650 [?]], CAVSES DE RECVSATION contre Monsieur le Premier President, Mr de Champlastreux son fils, leurs parens & alliez au degré de l’Ordonnance. , françaisRéférence RIM : M0_656. Cote locale : C_9_14.

que l’on fait éclatter auiourd’huy contre tant de
personnes Illustres, pour aller en toutes sortes de
lieux parler les premiers des personnes sacrées, &
des affaires publiques, eschauffer les esprits sans
pouuoir estre recherchez, ny estre reputez complices,
& pour rapporter toutes les parolles qui se diroient
dans Paris, & les noms de ceux qu’ils auroient
entendus parler, ô Secula ô Mores ? Iamais
cette plainte & cette exclamation ne fut plus iuste,
il n’y a iamais eu d’inquisition semblable en Espagne,
ny en Italie ? Peuple François où est ta liberté ?
l’on veut tenir Registre de tes larmes, & de
tes Souspirs.
 
Si cela auoit lieu, l’on verroit bien tost les Citoyens
se deferer les vns & les autres, le fils accuseroit
son pere, comme il s’est veu autres fois dans
l’Empire Romain, soubs esperance de recompense,
& de luy donner par aduance sa succession. Il feroit
les funerailles deuant sa mort, par la confiscation
de ses biens & de sa fortune, il n’y auroit personne
qui ne fust en proye à la Calomnie, à la vengeance,
& à la fureur. Les Senateurs seroient bien-tost
eux mesmes les témoins & les luges, & de
fait l’on a desia commencé cet ouurage, l’on veut
destruire le Parlement par luy-mesme, en attaquant
par ce funeste artifice des premiers & des
plus Illustres de la Compagnie, afin que les plus
genereux estans emportez, il puisse tomber plus