[retour à un affichage normal]

Mazarinade n° C_9_14

Image de la page

Anonyme [1650 [?]], CAVSES DE RECVSATION contre Monsieur le Premier President, Mr de Champlastreux son fils, leurs parens & alliez au degré de l’Ordonnance. , françaisRéférence RIM : M0_656. Cote locale : C_9_14.

à l’Archidiacre de Paris ; mais ayant esté reconneu
par la suite, que l’Archidiacre de Paris auoit vne
pretention qui approchoit vn peu de celle de l’Archidiacre
de Chartres, il fut recusé incontinent, le
Parlement commit d’autres luges, principalement
qu’ils ne fussent point parties, neantmoins pouuans
estre touchez par quelque legere comparaison
de leurs interests, on ne voulut pas laisser le
moindre pretexte à la partie, de se plaindre du
Iugement. Nous auons vn exemple illustre dans
nostre Histoire de François premier, lequel ayant
voulu assister au Iugement du Chancelier Poyet,
se retira apres qu’on luy eust fait voir que la posterité
trouueroit quelque chose à redire dans le
Iugement s’il estoit appuyé par sa presence, bien
que l’accusation regardast le public, & que les
Rois ne soient iamais parties en leurs propres &
priuez noms.
 
Suetone parlant d’Auguste, dit qu’il n’estoit
iamais plus satisfait que lors qu’il estoit recusé, il
ne vouloit pas qu’on fist la moindre difference entre
luy & les autres Iuges, sur les moindres soupçons,
Ferebat ipse suffragium in tribu, ve vnus é populo,
testent se in iudiciis reprobari ac refelli œquissimo
animo parientur : Mais ce qu’il y a de plus
estrange en cette accusation est, que Monsieur le
premier President semble vouloir se mettre au
dessus des Loix, & qu’il vueille tousiours faire exception