[retour à un affichage normal]

Accueil > recherche > Affichage d'une occurrence en contexte

Mazarinade n° C_9_14

Image de la page

Anonyme [1650 [?]], CAVSES DE RECVSATION contre Monsieur le Premier President, Mr de Champlastreux son fils, leurs parens & alliez au degré de l’Ordonnance. , françaisRéférence RIM : M0_656. Cote locale : C_9_14.


vne des parties, parce qu’il saut que la Iustice soit
exempte de toute sorte de soupçons ; c’est vne Deésse
qui ne fait d’alliance qu’auec elle-mesme, elle
ne communique iamais auec personne, elle n’est
pas descenduë sur la tetre pour se reuestir des passions
des hommes, mais elle demeure aussi pure
que dans le Ciel.
 
C’est vn vsage parmy nous, & qui est presque
inuiolable, qu’encores que par l’Ordonnance l’on
deust renuoyer l’accusé, pour l’instruction, & pour
le iugement du procez, pardeuant son luge naturel,
lors que les appellations se trouuent temeraires,
neantmoins la Cour ne le fait iamais ; l’on fait
violance à la Loy & à l’Ordonnance, de peur qu’il
ne restast quelque ressentiment au Iuge contre l’accusé,
qui se seroit plaint de ses iugemens.
L’on sçait aussi qu’en matiere criminelle, ceux
qui ont poursuit le procez, ne sont iamais Rapporteurs,
l’on apprechenderoit qu’ils ne fussent vn peu
trop auaricieux de leur propre ouurage, bien que
ce soient des actes de Iustice, & qui ne se font que
par son authorité. Nous auons vn Texte tres singulier
dans les Decretales, qui est le Chapitre
Causam, au tiltre de Iudicijs. Il y auoit vne grande
contestation entre l’Abbé de Vendosme, &
l’Archidiacre de Chartres, pour certains droicts de
visites que l’Archidiacre pretendoit sur l’Abbaye.
La cause fut renuoyée par le Pape à l’Euesque, &