[retour à un affichage normal]

Mazarinade n° C_9_14

Image de la page

Anonyme [1650 [?]], CAVSES DE RECVSATION contre Monsieur le Premier President, Mr de Champlastreux son fils, leurs parens & alliez au degré de l’Ordonnance. , françaisRéférence RIM : M0_656. Cote locale : C_9_14.

quelqu’vns des tesmoins des premieres informations,
ausquels il a fait dire beaucoup plus qu’ils
n’auoient dit pardeuant Messieurs les Commissaires,
de sorte que toute cette conduite sait voir
que Monsieur le Premier President en a fait sa
propre cause, & qu’ainsi il ne peut pas connoistre
de l’accusation.
 
Mais ce n’est pas seulement cette derniere rencontre
qui le rend suspect aux parties, il y en a encore
vne autre, qui peut exciter ses ressentimens :
il sçait que le sieur soly l’vn des accusez a presenté
à la Cour vne Requeste depuis quelques iours,
par laquelle il a demandé qu’il fust permis d’informer
de la violence, que plusieurs gens armez vouloient
faire en sa maison, lors que les Rentiers y furent
pour demander Iustice, & instruire Messieurs
les Deputez de la Cour, de l’inexecution des Arrests
& de la Declaration, & cette Requeste luy
fut si sensible, qu’il témoigna hautement à Monsieur
Laisné qui en estoit Rapporteur, que c’estoit
contre luy que cette Requeste estoit presentée, &
de fait, il fit connoistre son sentiment, ayant fait
en suite vne plainte verbale de ce qu’on auoit fait
afficher que les Rentiers se trouuassent en sa maison
le iour de l’Assemblée de Messieurs les Deputez,
pretendant que c’estoit vn dessein formé, d’entreprendre
sur sa personne, la quelle plainte il porta
si loin qu’il mit mesme vne des affiches entre les