[retour à un affichage normal]

Mazarinade n° D_2_18

Image de la page

Anonyme [1648], LA REQVESTE DES TROIS ESTATS PRESENTEE A MESSIEVRS DV PARLEMENT. , françaisRéférence RIM : M0_3494. Cote locale : D_2_18.

cens dix-sept, en suitte de la mort du Mareschal d’Ancre, IL
VOVS PLAISE faite remonstrance à Royne, sur les grands
malheurs & desordres que ledit Mazarin a causez, & sur ceux
qu’il causeroit à l’aduenir s’il demeuroit plus long-temps dans
cette domination illegitime & violente. Comme aussi de faire
entendre & remonstrer aux Princes du Sang la captivité, où les
premiers Ministres de l’Estat ont mis eux & tout le Royaume
depuis si long-temps les extrémes dangers où ils les ont mis
par plusieurs fois, leur remonstrer deuant les yeux les reproches
que leur feront la posterite, de s’estre laisse surprendre, &
de ne souffrir plus qu’vn estranger mette en seruitude pour iamais
le Roy, & toute la Maison Royale. Partant que sa Majesté
& lesdits Princes, preuenant les dangers ineuitables qui en
arriueront si ils n’y pouruoyent promptement, veulent faire
arrester ledit Mazarin sous bonne & seure garde, repeter de
luy les finances du Roy qu’il a vollees & le chastier exemplairement
de tant de crimes enormes qu’il a commis. Et afin que
la France, & les Roys, Princes & peuples ne retombent plus à
l’aduenir dans vne mesme seruitude, que les Princes veulent se
donner la peine, comme enfans de la Maison, & leur interest
conjoint auec ceux de l’Estat, & que ceux des François fauoris
y sont tousiours contraires de manier lesdites affaires par leurs
propres mains, non plus par celles des fauoris qui les trahissent
& les vendent, & de vouloir gouuerner eux-mesmes par l’aduis
des Seigneurs & des personnes de qualité, d’experience & de
probité irreprochable, sans plus permettre l’entrée du Conseil
à des gens de neant, corrompus, & tels que ledit Mazarin y a
introduits, afin qu’ayant exterminé tous les imposts & les ruines
de la tyrannie passée, & remedier aux desordres infinis qui
sont prouenus, & ils puissent gouuerner la France sous les Loix
de Dieu & celles du Royaume, conclure vne paix aduantageuse,
faire respirer les peuples qui n’en peuuent plus : & en fin rendre
cét Estat si puissant, & si heureux au-dedans & au dehors,
qu’il ne craigne plus l’oppression des meschans Ministres, ny