Mazarinade n° C_9_59
Image de la page
Anonyme [1649], LA RENCONTRE INOPINÉE DE MARS ET DE VENVS DANS LE COVRS DE LA REYNE, ARRIVEZ NOVVELLEMENT EN FRANCE. PREMIER ENTRETIEN. , françaisRéférence RIM : M0_3348. Cote locale : C_9_59.
Mars, que beaucoup d’auantage ont acquis de la gloire par
la faueur des miennes. Qu’il en dise ce qu’il luy plaira, ses
conquestes sont des conquestes de sang, les miennes ne repandent
que des larmes, & bien que les fléches de mon fils
blessoit aussi bien que la pointe de son espée ; i’ay neantmoins
cét auantage sur luy, que ceux qui en sont blessez
cherissent la cause de leurs playes, l’object de leur martire, la
grandeur de leurs tourmens : Mes chaisnes sont glorieuses à
ceux qui les portent ; ma prison leur est vne liberté, & mes
supplices des satisfactions. N’est il pas vray Cypris ?
Mars.
O Dieux, que vous estes industrieuse à vous loüer vous
mesme, dissimulée en vos paroles, & cachée en vos desseins :
vous fuyés dites vous, les Prouinces estrãgeres, où maintenãt
vous estes méprisée ; & où vous n’aués plus d’adorateurs, &
vous ne dittes pas que vous venés icy comme dans le lieu du
mõde où l’on fasse l’amour auec plus d’adresse, de douceurs,
& de bonne grace. En Espagne les dames y sont trop imperieuses,
en Italie trop peu retenuës, en Pologne trop indiscrettes,
en Flandre trop grossieres, en Angleterre trop
froides, les Françoises possedent toutes les perfections des
autres, sans en auoir les defauts, ny les manquemens. De
sorte que vous voulés establir vostre Throsne auec plus de
gloire icy, que vous ne fistes iamais, ny à Cartage, ny à Syracuse,
ny a Ephese, ny à Rome. Et doresnauant vous ferés en
sorte que Paris vous reçoiue par son Ange, sa Deesse, son
intelligence. A la bõne-heure regnez dans la premiere Ville
du monde, & vous y faictes autant d’Esclaues que vous y
trouuerés d’admirateurs de vos perfections. Pour moy qui
suis méprisé par toute, & qui n’ay plus de credit ie me retire
dans les deserts, dans les bois, dans les solitudes, dans les
Cloistres, pour y faire la guerre aux Hermites, & aux Moines.
Cypris.
Madame, le iour est desja grand, & les paїsans qui hayssent
plus que les demons le Dieu Mars venant bien-tost à passer
& à le reconnoistre, sans doute nous ferons quelque outrage
à son occasion : Priez-le qu’il se retire ; & luy donnés assignation
Image de la page