[retour à un affichage normal]

Accueil > recherche > Affichage d'une occurrence en contexte

Mazarinade n° D_1_47

Image de la page

Anonyme [1651], CATALOGVE DES PARTISANS. ENSEMBLE LEVR GENEALOGIE & extraction, vie, mœurs & fortunes. , françaisRéférence RIM : M0_646. Cote locale : D_1_47.


& souffrir lesdits retranchements sans se plaindre ; comme il
deuoit auoir fait pour l’interest public, le met en possession de
sommes immenses & deniers comptans outre les cent mil escus
qui luy sont deuz par les fermiers des gabelles, & les deux cens
mil liures par les payeurs des rentes des Tailles, il demeure rue
Barre du-bec. Guillard qui demeure vers S. Paul s’est mesle de
toutes affaires, & Blossier. Item Lesselin qui demeure en l’Isle
Nostre Dame, a tant vollé à la chambre aux deniers du Roy, que
ladite chambre en est si despourueu, qu’il ne s’en trouue point
pour la despence & bouche de sa Majesté. Villette a entr’autres
traictez, celuy des Courtiers de Bordeaux, où il s’est extremement
enrichy auec ses associez, il demeure aux marais.
 
De Vic qui demeure aux fauxbourg S. Germain, a fait plusieurs
traictez, notamment en la Prouince de Normandie.
Le Gros qui demeure rue Gille-cœur, a fait plusieurs traictez,
& a esté associé de deffunct Garnier. Keruer qui demeure prés
l’Hostel de Nemours, a esté de tous les traictez sans exception,
tãt auec Galland, Marin & Bonneau, que Gapellan, Demons, le
Camus & autres, Ligours & Pidou, qui a esté commis de Barbier
& luy a inspiré toutes les maltotes qu’il a faite en quelque façon
que ce soit, & est pauure garçon qui de son chef n’auoir aucune
chose, & qui s’est enrichy aux friponneries & diuertissement qu’il
a fait des effects de deffunt son Maistre.
Le Taneur qui demeure aux Marais, s’est enrichy pour auoir diuerty
& destourné les effects dudit Barbier prouenant des recouurement
qui luy auoit esté confié, & s’est parjuré en Iustice pour
se conseruer lesdits effects, & deniers recelez lors qu’apres la
mort dudit Barbier, on luy en a demandé compte.
Gaston les Iouberts freres, & les nommez Potier pere & fils
demeure au fauxbourg S. Germain ont fait le semblable.
Du Fresne Aduocat & Quignon cy deuant Procureur en Parlement
ont tant fait que de pauure garçons qui ne possedoient aucune
chose & sont aujourd’huy tres opulente. Caussant à fait le
semblable dans le recouurement des taxes dont le deffunt Galland
la chargé.
Fin du Catalogue des Partisans,