[retour à un affichage normal]

Accueil > recherche > Affichage d'une occurrence en contexte

Mazarinade n° D_1_47

Image de la page

Anonyme [1651], CATALOGVE DES PARTISANS. ENSEMBLE LEVR GENEALOGIE & extraction, vie, mœurs & fortunes. , françaisRéférence RIM : M0_646. Cote locale : D_1_47.



La succession de Pager est d’autant plus recherchable, qu’il
a este vn donneur d’auis fieffé, qui ne s’est enrichy que par
mauuaises voyes, ayant en dernier lieu donné l’aduis de la
creation des Greffiers des sucilles des [1 mot ill.] de l’Hostel de
Ville, qui est vne inuention tres preiudiciables au general
& particulier desdicts rentiers, & tres fauorables pour les
Payeurs, afin d’esloigner les payemens qu’ils doiuent faire
aussi, ce traitté qui a esté fait par ledit Paget, n’a esté que
pour donner lieu au nommé le Sage son beau frere, qui luy
preste le nom pour l’exercice des quatre Officiers de Payeurs
des rentes des huict millions des tailles, de conseruer
le fonds du maniment desdites Offices, comme luy & tout
autre Payeurs des rentes, font au preiudice des rentiers.
Mesmin & Chauuin oncle & neueu demeurent en mesme
maison rue des Fossez Montmartre, ont aussi esté de toutes
sortes d’affaires.
Peirat demeurant en la mesme rue a esté associé de Demons,
Picart, Tabouret, Catellan, la Ralliere & Vanel, en
toutes les affaires qu’ils ont faites, notamment aux taxes
& confirmations d’hereditez & droit Royal, Chambre de
Iustice, Offices & quatriennaux, taxes d’aisez & autre, en a
eu la iurisdiction, maniement & recouurement de la plus
part desdites affaires auec vn nommé Rabouin beaufrere
dudit Demons, lesquels ont ensemble exercé de tres grandes
rigueurs contre les compris audites taxes, à l’effect dequoy
ils ont fait agir vn nommé Chartier, cy deuant Laquais
dudit Picart, auquel ledit Peirat pour recompence
de tant de seruices a fait espouser vne bonne amie qu’il
qualifie sa niepce.
Portier, Pordel, Riotte & autres associez, ont fait plusieurs
affaires tres preiudiciables au public, entr’autres les
Greffes des Notifications, taxes d’Aysez dans les Prouinces
& autres de cette qualité, ledit Portier demeure ruë
de Montmartre.
Bossu qui demeure en la mesme ruë, est Fermier des gabelles
de Lyonnois, Languedoc, auec les nommez Terrat,