[retour à un affichage normal]

Accueil > recherche > Affichage d'une occurrence en contexte

Mazarinade n° D_1_47

Image de la page

Anonyme [1651], CATALOGVE DES PARTISANS. ENSEMBLE LEVR GENEALOGIE & extraction, vie, mœurs & fortunes. , françaisRéférence RIM : M0_646. Cote locale : D_1_47.


lesquelles pour quatorze cens mil liures que l’on feignoit
qu’elles aduanceroient au Roy, tiroient des remboursement
du double, c’est à dire deux millions huict cens mil
liures, & pour celle, c’est difference de quatorze cens mil liures,
l’on prenoit pretexte d’amortir au profit du Roy cent
mil liures de rentes sur les tailles, qui pouuoient valloir au
prix courant enuiron trois cens mil liures, tellement que
l’on faisoit perdre au Roy onze cent mil liures, qui estoient
partagez entre lesdits pretendus Presteurs, & l’Intendant
auec les Commis aussi : Voit-on que ledit Tubeuf qui n’a
jamais eu deux mil écus de patrimoine, son grand pere
estant Boucher, possede des biens inombrables, tant en
charges, Palais, maisons des champs que deniers comptans,
outre les dépenses Immenses qu’il a faites, tant pour les
femmes que pour le jeu, estant certain qu’il s’est trouué telle
nuict qu’il a perdu plus de cent mil écus, il a interest auec
la Mesteraye, & plusieurs autres leurs amis & confidens
dans les impots & billons de Bretagne, qui ont esté alienez
depuis dix ans à moins d’vn millions de liures au profit du
Roy, quoy que ce soit vne Ferme de plus de cinq cens mil
liures par an.
 
La Picardiere Commis dudit Tubeuf est vn pauure garçon
de Loches, destitué par sa naissance de toutes sortes de
biens de fortune, cependant par les contributions qu’il a
eu aux corruptions de son Maistre, & par l’interest qu’il a
pris dans plusieurs affaires auec des Traittans, se trouue
possesseur aujourd’huy de plus d’vn million de bien. Autres Maltotiers qui ont entré indifferemment en
toutes sortes d’affaires.

Gverin du Fauxbourg S. Honoré, entr’autres affaires
a esté du sol pour liure, & a fait le traité du Domaine
auec Beraut, & pris Maillet & autres.