[retour à un affichage normal]

Accueil > recherche > Affichage d'une occurrence en contexte

Mazarinade n° C_11_16

Image de la page

Anonyme [1651], LA PROSPERITÉ MAL-HEVREVSE OV LE PARFAIT ABREGÉ DE L’HISTOIRE DV CARDINAL MAZARIN, OV SE VOID TOVTES LES RVSES ET toutes les Fourberies dont il s’est seruy pour arriuer au feste de la progieuse fortune où il s’est veu. AVEC VNE RELATION DE TOVTES les causes de sa disgrace. , françaisRéférence RIM : M0_2925. Cote locale : C_11_16.


Paris de toutes parts, & fait si bien boucher
tous les passages des viures, qu’il ny entroit
plus chose quelconque. Et par ce moyen là, il
croyoit d’esmouuoir les peuples contre le Parlement,
& le Parlement contre les peuples :
mais il se trouua bien abusé en son calcul. Et
pour intimider ceux qui auroient enuie de les
proteger, & pour donner courage à ceux qui
desiroit leur perte, ses Partisans font coure des
billets & des Gazettes, pour faire voir que paris
est aux abois, que les peuples sont sans cœur,
& que la diuisiõ est si grande parmi eux, à cause
de la prise de Brie & de Charenton, & de l’extreme
necessité de la famine qui les accable,
qu’ils ne sçauent à quoy se resoudre, enfin ils
tachent de persuader à tout le monde, qu’ils
estoient prests d’aller à S. Germain, la corde
au col, pour demander pardon à leurs Maiestez,
de la faute qu’ils auoient commise, qui
estoit des impostures bien grandes : Car au
contraire le Duc de Beaufort qui fut deliuré
bien tost, apres sa detention comme par miracle,
se resouuenant du mauuais traitement
que Mazarin luy auoit fait, se declare ouuertement
pour Paris, passe au peril de sa vie des
Conuois de viures à trauers l’armee qui tenoit
la ville inuestie, & les assiste en tout ce qui lui
est possible.