[retour à un affichage normal]

Mazarinade n° C_11_16

Image de la page

Anonyme [1651], LA PROSPERITÉ MAL-HEVREVSE OV LE PARFAIT ABREGÉ DE L’HISTOIRE DV CARDINAL MAZARIN, OV SE VOID TOVTES LES RVSES ET toutes les Fourberies dont il s’est seruy pour arriuer au feste de la progieuse fortune où il s’est veu. AVEC VNE RELATION DE TOVTES les causes de sa disgrace. , françaisRéférence RIM : M0_2925. Cote locale : C_11_16.

de dire. Il ne suffit pas d’auoir le fils, il faut
encore prendre le pere, qui s’estoit refugié
pres de Paris en l’vne de ses maisons. On y envoye
la compagnie de Mousquetaires commandée
par monsieur de Trois Villes, & vne
compagnie du Regiment des Gardes : mais ce
Prince en ayant eu aduis se retire en Bretagne.
Et certes, si ce Tyran a eu l’effronterie de s’attaquer
à de si grands Princes, il aura bien l’effronterie
d’entreprendre sur beaucoup de personnes
comme nous verrons tantost par la suitte
de ce petit abregé de son Histoire. A vray
dire son abominable Politique luy enseigne à
ne pas mieux traiter les vns que les autres. Et
tout cela ne se faisoit que pour voir si la Reyne
pouruoiroit à la seureté de sa personne, & si
on luy bailleroit des gardes. Ce qui luy reüssit
fort heureusement : car à mesme temps la
Reyne luy fit donner vn appartement en son
Palais, afin qu’il fut gardé comme le Roy, &
quelque temps apres on luy donna encore des
gardes.
 
C’est par des actions de cette importance
qu’il pretend venir à bout de tout ce qu’il se
propose, en faisant seruir d’exemple ceux qui
le choqueront, & en donnant par ce moyen là
de la terreur à ceux qui auroient enuie de faire
la mesme chose : & c’est ainsi qu’il veut monstrer