[retour à un affichage normal]

Accueil > recherche > Affichage d'une occurrence en contexte

Mazarinade n° C_11_16

Image de la page

Anonyme [1651], LA PROSPERITÉ MAL-HEVREVSE OV LE PARFAIT ABREGÉ DE L’HISTOIRE DV CARDINAL MAZARIN, OV SE VOID TOVTES LES RVSES ET toutes les Fourberies dont il s’est seruy pour arriuer au feste de la progieuse fortune où il s’est veu. AVEC VNE RELATION DE TOVTES les causes de sa disgrace. , françaisRéférence RIM : M0_2925. Cote locale : C_11_16.


& à la recommendation du Roy de France, &
à la solicitation du Cardinal Barberin, on le
fit Chanoine de S. Iean de Latran, & Referẽdaire,
à ce que l’on dit des deux signatures. Et
en cette qualité il fut respecté comme l’vn des
plus cõsiderables subiets de la Cour de Rome.
 
Apres cela, il fut enuoyé Vice Legat en
Auignon, & Nonce extraordinaire en France
en l’année mil six cens trente-quatre. Et s’estant
dignement acquité de ces belles charges
selon la portée de sa suffisance, il fut à Rome,
iusques à ce que le Roy Louis XIII. luy eut cõmandé
de le venir trouuer en France, par vne
lettre de cachet qu’il lui enuoya, à la suscitatiõ
du Cardinal de Richelieu, qui le regardoit cõme
vne personne qui le pouuoit grandement
seruir aux desseins qu’il auoit de se maintenir,
& de gouuerner l’Estat à sa mode : & pareillement
aussi pour le recompenser de la belle
action qu’il auoit faite dans Cazal, & dont nos
Annalistes le glorifient auec des épithetes si
pompeux & si magnifiques.
Il ne fut pas plustost arriué, que le Roy pour
plaire au Cardinal de Richelieu, l’employa en
des grandes affaires. Mais pour le recompenser
de la paix de Sauoye, du traité de Cazal, de
l’achapt de Pignerole & de l’eschange de Monaco,
qu’il auoit negotié auec tant de prudence,