[retour à un affichage normal]

Mazarinade n° B_13_21b

Image de la page

Anonyme [1652], LA PANDORE, OV L’ASSEMBLAGE DE TOVS LES MALHEURS que la France a soufferts dans le Ministere du Cardinal Mazarin. I. Sur son manquement de foy. II. Sur le nom de Iule Mazarin, funeste à la Chrestienté. III. Sur ses mauuais Conseils, donnez à sa Majesté. IV. Sur la necessité qu’il y a de l’éloigner des Conseils du Roy & du Ministere. V. Et sur son Ambition, aspirant à la Souueraineté. , françaisRéférence RIM : M0_2658. Cote locale : B_13_21b.

florissante Ville en vn estat si miserable, au lieu
de se réjoüir de sa victoire, il se sentit touché
d’vne grande commiseration, & pleura abondamment,
disant auec grand regret, qu’il auoit
compassion de l’infortune d’vne si fameuse Cité,
préuoyant que la mesme ruine se pourroit voir
vn iour de la ville de Rome, considerant que
sur terre il n’y a Empire qui puisse se vanter d’auoir
vne durée stable & asseurée.
 
Ce qui deuoit estre reproché à Mazarin,
qu’vn Payen plus religieux en ses actions que
luy, regrettoit la ruine d’vne Ville qui estoit
ennemie iurée de celle de Rome, & luy ne
témoigner aucun ressentiment, bien moins
qu’vn Barbare, de tant de Villes, Bourgs, Chasteaux
& Villages ruinez & bruslez, si grand
nombre de lieux sacrez & prophanez par des impietez
& des sacrileges horribles, tant de Vierges
violées, tant de pauures personnes cruellement
massacrées par vne cruauté, sans exemple,
& de tant de mal-heurs, ne dire autre chose, sinon
que tels estoient les effets de la guerre, sans considerer
qu’il en est l’Autheur qu’il l’a allumée, &
l’a veut entretenir pour contenter sa tyrannie,
& executer ses mal-heureuses vengeances.
Il n’y a action cruelle, tyrannie si excessiue,
massacre si inhumain, non plus que la perte & la
mort de plusieurs grands Capitaines & vaillans