[retour à un affichage normal]

Accueil > recherche > Affichage d'une occurrence en contexte

Mazarinade n° C_1_2

Image de la page

Anonyme [1649], CANTIQVE DE REIOVISSANCE DES BONS FRANÇOIS, POVR L’HEVREVX RETOVR du ROY dans sa bonne Ville de PARIS. Auec vne tres-humble Remonstrance à la Reyne Regente. , françaisRéférence RIM : M0_622. Cote locale : C_1_2.


sa premiere splendeur ; nous le verrons bien tost
au dessus de tous les Empires du monde, par cette
vnion parfaite qui sera desormais entre le
Souuerain & ses Sujets ; Son arriuée est le sceau
& le tesmoignage le plus asseuré de son affection
enuers son Peuple, & le plus sacré lien qui puisse
ioindre les cœurs à son amour, & les obliger à
vne parfaite obeyssance. Toutes nos foiblesses,
nos craintes & nos méfiances s’esuanoüiront,
& les faux visages de la rebellion, & de ceux qui
pour nous perdre se disoient estre nos Protecteurs,
tomberont bien viste. Le masque dont
on s’est paré pour nous échauffer aux emotions
ne couurira plus la laideur de ces mauuais Politiques,
qui sous des pretextes trompeurs ont
voulu engager ou plustost precipiter ce Royaume
dans les plus cruelles guerres, & la plus déplorable
misere qu’aucune Monarchie ait iamais
esté plongée.
 
Mais ô Dieu, nous connoissons tres visiblement
que vostre bonté a vn soing tout particulier
de la France, & que vostre prouidence fauorable
agit tousiours pour sa conseruation : car lors
que toute la prudence & toute la force, de ceux
qui sont obligez de la conseruer & de la proteger,
semblent estre perduës & abbatuës, & que
le bras de la chair n’est pas capable de luy donner