[retour à un affichage normal]

Accueil > recherche > Affichage d'une occurrence en contexte

Mazarinade n° C_6_46

Image de la page

Anonyme [1649], LA PAIX EN SON THROSNE DE GLOIRE, OV LA CORNE D’ABONDANCE apportée du Ciel à tous les bons François, par l’Ange Tutelaire de ce Royaume. , françaisRéférence RIM : M0_2649. Cote locale : C_6_46.


de toutes ses graces. Les Apostres à son imitation pratiquoient
aussi la mesme façon d’agir, vniuersellement auec tout
le monde. Toutes les Epistres qu’ils escriuoient aux Peuples, ne
portoient en teste que des Exordes ou des Prefaces de cette nature.
Et Iesus Christ leur préchoit qu’ils ne seroient iamais reconnus
pour estre à luy s’ils ne viuoient bien en Paix les vns auec
les autres. Voila les armes qu’il donne à ceux qui veulent combatre
sous ses Estendars, & qui veulent auoir l’honneur d’estre
du nombre de ses Athletes. Voila les marques par lesquelles il
veut que ses Eleus different de ceux que sa reprobation a déja
banny de ses graces. Si Iesus Christ nous commande de pardonner
à ceux qui nous ont offensez auec la mesme charité que nous
voulons qu’il nous pardonne, que deuiendront ceux qui par
vne offense bien legere, excitent tant de desordres parmy leurs
freres, en comblant l’Vniuers de terreur & de carnage ? Le Ciel
n’est deu qu’à ceux que l’on afflige de guerre & de concussions,
& que l’on priue des heritages, & des possessions terrestres ? Si
diuine Majesté nous commande, de ne luy consacrer chose
quelconque que ce puisse estre, que nous ne nous soyons premierement
dépoüillez de toute la haine que nous sçaurions
auoir pour nostre prochain, & que nous ne nous soyons purifiez
de toutes les mauuaises impressions que cette contagieuse nous
pouuoit auoir infusées en l’ame. Cét equitable & souuerain Seigneur,
veut absolument que nous fassions tout ce qui nous sera
possible pour nous reconcilier auec nos ennemis, deuant que iamais
nous preparer à luy faire aucun sacrifice ? Considerez de grace
auec qu’elle seuerité il traitta sainct Pierre, lors qu’il mit l’espée
à la main pour le defendre des violences que les Iuifs exerçoient
contre leur Createur, & contre celuy qui se venoit exposer
à la mort pour leur redonner la vie. Ne chassa t’il pas les
Anges du Ciel pour n’auoir pas voulu demeurer en Paix dans la
Beatitude qu’il leur auoit preparée. Et vous voudriez apres cela
qu’il laissast viure les hommes dans vn crime bien plus funeste, &
bien plus sanglant, sans leur faire Iustice. Nous luy demandons
nostre pain quotidien, & nous faisons continuellement tous nos
efforts, pour l’oster à nos freres, & par la guerre & par les subsides.
Nous voulons qu’il nous pardonne nos pechez, & nous remplissons° !
Vniuers de legions estrangeres, pour nous venger d’vn
affront mal conceu, & d’vne iniure bien legere. Nous le prions
de nous deliurer du mal & nous remuons la Terre & le Ciel pour
accabler nos semblables.
 
1. Cor. 3. 13.
1. Cor. 14. 33.
1. Sam 25. 6.
2. Cor. 13. 11.
Rom. 5. 17.
Ephes. 1. 2.
Thes. 3. 12.
Ios. 22. 4.
Ezod. 2.
Esa ch. 9.
Ps. 27.
Ps. 15.
1. Cor. 13.
Rois 17.
Luc 2. 14.
19. 38.
Matt. 10.
Iean. 13.
Matt. 5.

FIN.